پونتيفيك اسكەري قىزمەتشىگە مەملەكەت قاۋىپسىزدىگىن قورعاۋعا قاتىساتىنى ءۇشىن العىس ءبىلدىرىپ, باتاسىن بەردى, وعان جانە جاقىندارىنا دەنساۋلىق تىلەپ, اسكەري قىزمەتىن ساپالى اتقارۋىنا تىلەكتەستىك ءبىلدىردى. ريم پاپاسى نيكولايعا ءوزىنىڭ ەستەلىك مەدالىن, كرەست سىيلاپ, قولىن قىستى.
كاتوليكتىك سەنىمدەگى نيكولاي ۆاينبەرگەر پونتيفيكپەن كەزدەسۋىن ءوز ومىرىندەگى ەڭ ماڭىزدى وقيعالاردىڭ ءبىرى دەپ سانايدى. «ماعان وسىنداي مۇمكىندىك بەرىلگەنى ءۇشىن العىسىم شەكسىز», - دەيدى ول.
نيكولاي - قوستاناي وبلىسىنىڭ تۋماسى, ول ايرىقشا ماقساتتاعى كۇشتەر قاتارىنا 2022 جىلعى كوكتەمدە شاقىرىلعان. اسكەري مىندەتىنە كىرىسكەنىنە كوپ ۋاقىت وتە قويماسا دا, راسىمدىك شارالاردى اتقارۋعا قاتىسىپ ءجۇر. مىسالى, ول ەلىمىزگە كەلەتىن جوعارى لاۋازىمدى قوناقتاردى اۋەجايدا كۇتىپ الاتىن «قارسى الۋشى ساپتا» تۇرادى. كومانديرلەرى تاراپىنان نيكولاي ءتارتىپتى جانە جاۋاپتى سارباز رەتىندە باعالانادى.
ول وتباسىندا كاتوليكتىك سەنىمنىڭ داستۇرلەرىن جانە كەيبىر سالتتارىن ساقتايتىندارىن ايتتى.
ء«اربىر جەكسەنبى سايىن ءبىز دۇعا وقىپ, وزىمىزگە جانە جاقىندارىمىزعا دەنساۋلىق پەن جايلى ءومىر سۇرايمىز, سونىمەن قاتار, ەلىمىزدە جانە الەمدە بەيبىتشىلىك بولۋىن تىلەيمىز», دەپ سىر ءبولىستى نيكولاي.
نيكولايدىڭ اتا-اناسى ءۇشىن بالاسىنىڭ قازاقستان رەسپۋبليكاسى مەملەكەتتىك كۇزەت قىزمەتى قاتارىندا ءجۇرىپ ريم پاپاسىنىڭ باتاسىن الۋى – ەرەكشە ماڭىزدى وقيعا, ال ساربازدىڭ ءوزى ءۇشىن بۇل ەرەكشە جايت اسكەري قىزمەت مىندەتتەرىن الداعى ۋاقىتتا دا جاۋاپتى جانە ابىرويلى اتقارۋعا سەرپىن بەرەرى ءسوزسىز.
