ەسىل وزەنىنىڭ جاعالاۋىندا ورنالاسقان دەمالىس ورنى قازاقستانداعى ءتۇرلى كونفەسسيالار مەن ەتنوستار اراسىنداعى دوستىق پەن بىرلىكتىڭ سيمۆولىنا اينالماق.
جوبانىڭ باستى يدەياسى – ء«ومىر اعاشى» مونۋمەنتى. كۇمبەز تۇرىندە جاسالعان نىساننىڭ ءدال ورتاسىنا ەمەن اعاشى وتىرعىزىلعان. ول سپيرالمەن جانە ۇيلەسىمدى فونتانمەن قورشالعان.
يدەيا اۆتورلارىنىڭ پىكىرىنشە, سۋ مەن سان عاسىردان تامىر تارتاتىن ءومىر اعاشى جەر بەتىندەگى تىرشىلىكتىڭ جالپىادامزاتتىق قۇندىلىعىن دارىپتەيدى. وسىلايشا, جاڭا تۋىندى ءدىنى مەن سەنىمىنە قاراماستان پلانەتامىزداعى بارلىق ادامدى كەلىسىمگە, بەيبىتشىلىككە جانە دوستىققا شاقىرادى. ال, كۇمبەز ءبىر اسپان استىنداعى بەيبىت ءومىردى بەينەلەيدى. وندا الەمنىڭ ءتورت بۇرىشى – وڭتۇستىك, سولتۇستىك, باتىس جانە شىعىستى بىلدىرەتىن 4 كىرۋ ايماعى بولادى.
كۇمبەزدىڭ قابىرعالارىندا الەمنىڭ جاراتىلۋى مەن قازاقستانداعى تاريحي وقيعالاردى كورسەتەتىن بەينەلەر جانە ەلىمىزدىڭ اۋماعىنان تابىلعان ايگىلى ەجەلگى جارتاس سۋرەتتەرى – پەتروگليفتەر سالىنادى. اعاشتىڭ اينالاسىنداعى سپيرال اسپان (كۇمبەز) مەن جەردى (سۋ بەتى) بىرىكتىرىپ, الەمنىڭ نازىكتىگىن سۋرەتتەيدى.
ساياباق قۇرىلىسى 2023 جىلى اياقتالىپ, ەل يگىلىگىنە بەرىلەدى دەپ جوسپارلانىپ وتىر.
