ەۋرازيالىق ەكونوميكالىق وداق قۇرۋ جونىندە كەلىسىم جوباسى ازىرلەندى

استانا. 15 مامىر. ماسكەۋدە ەۋرازيالىق ەكونوميكالىق وداق قۇرۋ تۋرالى كەلىسىم جوباسىن دايىنداۋعا بايلانىستى كەڭەس ءوتتى. وعان ۇكىمەت باسشىسىنىڭ ءبىرىنشى ورىنباسارى باقىتجان ساعىنتاەۆ قاتىستى. بۇل تۋرالى primeminister.kz حابارلادى. ەۋرازيالىق ەكونوميكالىق كوميسسيا كەڭەسى وتىرىسىندا بەلگىلى بولعانداي, باستى قۇجات – كەلىسىم جوباسى جان-جاقتى تالقىلانىپ, تاراپتار ورتاق مامىلەگە كەلدى. ەندى ىشكى مەملەكەتتىك پروتسەدۋرالاردى جۇرگىزۋ كەرەك. سونداي-اق, قۇجات ءماتىنى مەملەكەتتىك تىلگە اۋدارىلادى. ەستەرىڭىزگە سالا كەتەيىك, استانادا الداعى 29 مامىردا قازاقستان, رەسەي, بەلارۋس ەلدەرىنىڭ باسشىلارى ەۋرازيالىق ەكونوميكالىق وداق قۇرۋ تۋرالى كەلىسىمگە قول قويادى. اتالعان كەلىسىم-شارت ءۇش ەلدىڭ ەكونوميكاسىنا, ياعني, كولىك, ەنەرگەتيكا, اگروونەركاسىپ سالالارىنىڭ  تەڭ قۇقىقتى دامۋىنا, شىنايى باسەكەلەستىكتى ورىستەتۋگە زور ىقپالىن تيگىزەدى دەپ كۇتىلۋدە. ب.ساعىنتاەۆ: «ءبىزدىڭ بىرلەسكەن جۇمىسىمىز «ۇشتىكتىڭ» اراسىنداعى ينتەگراتسيانىڭ جوعارعى دەڭگەيدە ەكەنىنىڭ كورىنىسى, تەڭ قۇقىقتى ارىپتەستىك قاتىناس الەۋەتىن ءتيىمدى پايدالانۋعا نيەتتى ەكەنىمىزدى اتاپ وتۋگە ءتيىسپىن», – دەدى. جولدىباي بازار. دەرەككوز: primeminister.kz. فوتو: remarka.kz.