باس ۇيىم وكىلىمەن كەزدەستى

سەنات توراعاسى قاسىم-جومارت توقاەۆ بۇۇ-نىڭ بوس­قىندار ىستەرى جونىندەگى جوعارعى كوميسسار باس­قار­ماسىنىڭ ورتالىق ازياداعى ايماقتىق وكىلى بەرنارد ءدويلدى ونىڭ ءوتىنىشى بويىنشا قابىلدادى, دەپ حابارلادى وسى پالاتانىڭ ءباسپاسوز قىزمەتى. پالاتا توراعاسى ب.ءدويلدى اي­ماقتىق وكىل لاۋازىمىنا تاعاي­ىن­دالۋىمەن قۇتتىقتادى جانە جۇمىسىنىڭ تابىستى بولۋىنا تىلەكتەستىگىن ءبىلدىردى. ق.توقاەۆ اتاپ وتكەندەي, كۇر­دەلى گەوساياسي جاعدايدى ەسكەرە كەلگەندە,  بۇۇ بجكب-نىڭ ورتا­­لىق ازياداعى قىزمەتى ەرەكشە ماڭىزدى. ونىڭ پىكىرىنشە, زاڭ­سىز كوشى-قونمەن جانە بوسقىن مارتەبەسىن اسىرا پايدالانۋمەن كۇرەس وزەكتى بولىپ وتىر. «قازاقستاندىق پار­لامەنت­شىلەر بۇۇ بجكب-نىڭ قىزمەتىنە جان-جاقتى كومەكتەسۋگە ءازىر», دەپ اتاپ ءوتتى ق.توقاەۆ. بىرىككەن ۇلتتار ۇيىمىنىڭ ماقساتتارىنا قول جەتكىزۋ جانە ورنىقتى دامۋدى قامتاماسىز ەتۋ بويىنشا مىندەتتەردى ورىنداۋدا قازاقستان بۇۇ جۇيەسىندەگى ۇيىمدارمەن بەلسەندى ىنتىماقتاستىققا ءمۇد­دەلى, دەدى سەنات توراعاسى. ق.توقاەۆ بۇۇ قىزمەتكەرىنىڭ نازارىن الداعى ۋاقىتتا بولاتىن استانا ەكونوميكالىق فورۋمىنا جانە داعدارىسقا قارسى دۇنيەجۇزىلىك كونفەرەنتسياعا, سونداي-اق, اوسشك-ءنىڭ شان­حاي­داعى كەزەكتى سامميتىنە اۋداردى. قازاقستاننىڭ باستاماسى بويىن­شا وتەتىن بۇل فورۋمدار جانە باسقا دا سىرتقى ساياسي شارالار ءبىزدىڭ ەلىمىزدىڭ حالىقارالىق بەدەلى ارتا تۇسكەنىن كورسەتەدى.