26 ايدا 26 نىسان سالىنادى

كەشە ورتالىق كوممۋنيكاتسيالار قىزمەتىندە «استانا ەكسپو-2017» كور­مەسى قۇرىلىسىنا دايىندىق جۇمىستارى جونىندە ءباسپاسوز ءماسليحاتى ءوتتى. وعان «اس­تانا ەكسپو-2017» ۇك» اق باسقارما توراعاسىنىڭ كەڭەس­شىسى قاناعات تىلەمىسوۆ پەن ساۋلەت دەپارتامەنتىنىڭ ديرەكتورى قانات مۇقاشەۆ, سونداي-اق, بەلگىلى كاسىپكەر, مەتسەنات, ساياحاتشى ساپار ىسقاقوۆ قاتىستى. ءباسپاسوز ءماسليحاتىندا ءمالىم بولعانداي, «استانا ەكسپو-2017» ۇك» اق كورمە كەشەنىنىڭ بارلىق 26 نىسانىنىڭ قۇرىلىسىن 26 ايدىڭ ىشىندە سالىپ شىعۋدى جوسپارلاپ وتىر. ونىڭ ىشىندە حالىقارالىق, كورپوراتيۆتىك جانە تاقىرىپتىق پاۆيلوندار, تۇرعىن ءۇي كەشەندەرى, مەكتەپ, بالاباقشا, قوناق ءۇي, ءماجىلىس جانە ءباسپاسوز ورتالىعى, ەكسپو-كەڭسە, ەنەردجي حولل, كوممەرتسيالىق جانە ساۋ­دا اۋماقتارى, ەكسپو-پلازا, كور­كەم­دىك ورتالىق سەكىلدى نىساندار قام­­تىلعان. بريفينگ بارىسىندا سا­لا ما­ماندارى وسى كەشەن­دەر­دىڭ ارحي­تەك­تۋرالىق ەرەكشە­لىك­­تەرى مەن ين­نو­ۆاتسيالىق تەح­نو­­لوگيالاردىڭ قول­دانىلۋى ءجونىن­دە اڭگىمەلەپ بەردى. «استانا ەكسپو-2017» ۇك» اق باسقارما توراعاسىنىڭ كەڭەس­شىسى ق.تىلەمىسوۆتىڭ سوزىنە قارا­عاندا, جالپى قۇرىلىستىڭ بەل­سەندى كەزەڭى 2015-2016 جىلدارعا سايكەس كەلەدى. كورمە كەشەنىنىڭ تۇتاستاي سالىنىپ, اياقتالۋى 2016 جىلدىڭ جەلتوقسانى دەپ كوزدەلۋدە. ايتا كەتەيىك, كەشەننىڭ جالپى اۋدانى 173,4 گەكتار جەردى قامتىماق. ونىڭ 148 گەكتارىنا تۇرعىن ۇيلەر, مادەني-الەۋمەتتىك نىساندار, ويىن-ساۋىق ورىندارى, ال 25 گەكتارىنا كورمە كەشەنى سالىنباق. ءباسپاسوز ءماسليحاتىندا, سونىمەن قاتار, بەلگىلى ساياحاتشى سا­پار ىسقاقوۆ ءوزىنىڭ جۋىردا عانا جەر شارىن ارالاپ, ساياحات جاساپ قايتقانىن باياندادى. ول ءوزىنىڭ بۇل ساپارىندا قازاقستاننىڭ كوك بايراعى مەن «استانا ەسكپو-2017» تۋىن الەمنىڭ 26 ەلىنە الىپ بارىپتى. بۇل ساپاردىڭ ەلىمىزدى الەمگە تانىتۋدا, ەكسپو وتەتىن مەملەكەتتى جاھانعا پاش ەتۋدە ايرىقشا ماڭىزى زور. جيىن سوڭىندا جيھانگەز شەتەلدىك ازاماتتاردىڭ قولى قويىلعان ەكسپو-2017 تۋىن كومپانيا وكىلدەرىنە سالتاناتتى جاعدايدا تابىس ەتتى. دينارا بىتىكوۆا, «ەگەمەن قازاقستان».