فورۋمعا ازىرلىك جايى اڭگىمەلەندى

ۇستىمىزدەگى جىلدىڭ 21-23 مامىرى كۇندەرى استانادا بۇۇ-نىڭ قولداۋىمەن VII استانا ەكونوميكالىق فورۋمى (اەف) مەن ءىى داعدارىسقا قارسى دۇنيەجۇزىلىك كونفەرەنتسيا (دقدك) وتكىزىلمەك. وسى وقيعاعا بايلانىستى كەشەگى كۇنى اتالعان فورۋمدى ۇيىمداستىرۋ ىسىنە بەلسەنە قاتىسىپ جۇرگەن پارلامەنت دەپۋتاتى سەرىك نوگەربەكوۆ ورتالىق كوممۋنيكاتسيالار قىزمەتىندە جۋرناليستەرمەن جۇزدەسىپ, ازىرلىك جۇمىستارى جايىندا اڭگىمەلەپ بەردى. س.نوگەربەكوۆتىڭ ايتۋىنا قا­راعاندا, بۇل فورۋم قازاقستان رەسپۋبليكاسىنىڭ پرەزيدەنتى نۇر­سۇلتان نازارباەۆتىڭ باستا­ماشىلىعىمەن 2008 جىلدان باس­تاپ جۇمىس ىستەپ كەلەدى. سودان بەرى ونى ءار جىل سايىن وتكىزىپ وتىرۋ ءداستۇرى بەرىك قالىپتاستى. وسى ۋاقىتقا دەيىن الەمنىڭ ەڭ باستى پروبلەمالارىن قامتىعان 6 فورۋم بولىپ ءوتتى. سوڭعى 2013 جىلى وتكەن 6-شى فورۋمدى «G-Global»  فورماتىندا تەڭدەستىرىلگەن ەكونوميكالىق دامۋدى قامتاماسىز ەتۋ تاقىرىبى قاراستىرىلعان بولاتىن. بۇل فورۋمعا 136 مەملەكەتتەن 12 مىڭنان اسا  قاتىسۋشى جينالعان ەدى. ەندى الداعى وتەتىن فورۋم جۇمىسىنا كەلسەك, ول كوپتەگەن ماسەلەلەردى قامتىماق. سونىڭ ىشىندە الەمدىك ەكونوميكانى دامىتۋ بويىنشا ۇسىنىستار ازىرلەنبەك. سونداي-اق, ۇلكەن جيىرمالىق سامميتىنە, ول ەلدەردىڭ باسشىلارىنا جانە وڭىرلىك ۇيىمداردىڭ جەتەكشىلەرىنە الەمدىك ەكونوميكانى دامىتۋ بويىنشا جوعارىداعى ۇسىنىستاردى قامتىعان اشىق حات ارناۋ جوسپارلانۋدا. سونىمەن قاتار, بۇل وتەتىن فورۋمنىڭ تاعى ءبىر ەرەكشەلىگى  –  وندا الەمدىك داعدارىسپەن كۇرەس جوسپارىنىڭ تۇجىرىمداماسى قابىلدانۋى ءتيىس. سونىمەن قاتار, وسى فورۋم اياسىندا ەلىمىزگە ينۆەستيتسيا تارتۋ جونىندە ارنايى شارا وتكىزىلەتىن بولادى. باسقا دا ماڭىزدى ماسەلەلەر قامتىلماق. – بۇل فورۋمنىڭ تاعى ءبىر ەرەك­شەلىگى – وندا ەكسپو-2017-ءنى وتكىزۋ جونىندە ارنايى باس­قوسۋ ۇيىمداستىرىلىپ, سوندا ەلى­مىزدە وتەتىن بۇكىلالەمدىك كور­مەنى ناسيحاتتاۋ ماسەلەلەرى قاراستىرىلماق. جالپى, فورۋم جۇمىسىنا 10 مىڭنان استام ادام قاتىسادى دەپ كۇتىلۋدە. سوڭعى ۋاقىتتارى استانا ەكونوميكالىق فورۋمى مەن وسى فورۋم اياسىندا وتكىزىلىپ كەلە جاتقان «G-Global» جوباسىنىڭ ماڭىزى حالىقارالىق دەڭگەيدە ارتا تۇسكەندىگى انىق بايقالىپ وتىر. بۇل جوبانىڭ بۇۇ باس اسسامبلەياسىنىڭ قول­داۋى­نا يە بولىپ, ءتيىستى قاۋلى قابىل­دانعاندىعى سونىڭ ءبىر كورى­نىسى دەپ بىلەمىز, – دەدى ءوز سوزىندە س.نوگەربەكوۆ. استانا ەكونوميكالىق فو­رۋمى الەمدىك ساراپشى­لار قو­عام­داستىعى كوشباس­شى­لارى­نىڭ, الەمدىك ساياسات, بيزنەس, ءىرى حالىقارالىق ۇيىمدار مەن ترانسۇلتتىق كومپانيا­لار وكىلدەرىنىڭ, نوبەل سىي­لى­عىنىڭ لاۋرەاتتارىنىڭ جانە كورنەكتى ەكونوميست عالىم­داردىڭ قاتىسۋىمەن وتكىزىلەتىن شارا ەكەندىگى بەلگىلى. دەمەك, فورۋم الاڭى الەم بويىنشا ال­عاندا قيسىندى ويلار مەن ءومىر­­شەڭ يدەيالاردىڭ ءورىس الاتىن مە­كەنىنە اينالىپ كەلە جات­قان­دىعى انىق. س.نوگەربەكوۆ ءوز سوزىندە وسى جولى وتەتىن ەكىنشى داعدارىسقا قارسى دۇنيەجۇزىلىك كونفەرەنتسيا جۇمىسىنا دا ەرەكشە ءمان بەرىپ ءوتتى. ونىڭ ايتۋىنشا, بۇل جوبا­نى 2011 جىلدىڭ 15 جەلتوقسان كۇنى قازاقستان پرەزيدەنتى نۇرسۇلتان نازارباەۆ ىلگەرىلەتكەن بولاتىن. ءبىرىنشى جولى وتكىزىلگەن كونفەرەنتسيادا الەمدىك داعدارىسقا قارسى جوسپاردىڭ باستى باعىتتارى كورسەتىلگەن استانا دەكلاراتسياسى قابىلدانعان ەدى. ال ەكىنشى كونفەرەنتسيا جۇمىسى ۇستىمىزدەگى جىلدىڭ 2 مامىرى كۇنى وتكەن ازيا دامۋ بانكى باسقارۋشىلار كەڭەسىنىڭ 47-ءشى وتىرىسى اياسىنداعى پلەنارلىق سەسسيادان باستاۋ العان بولاتىن. قورىتىندىسى استانا ەكونوميكالىق فورۋمى اياسىندا تۇيىندەلمەك. وعان كوپتەگەن ەلدەردىڭ قارجى-ەكونوميكالىق مينيسترلەرى, بۇۇ-عا مۇشە مەملەكەتتەردىڭ ورتالىق بانكتەرى جەتەكشىلەرى قاتىسادى دەپ كۇتىلۋدە. بۇل شارانىڭ اياسىندا الەمدىك داعدارىسقا قارسى جوسپاردىڭ تۇجىرىمداماسى دا قارالاتىن بولادى. سۇڭعات ءالىپباي, «ەگەمەن قازاقستان».