كەلىسىم جوباسى قارالدى

كەشە ماسكەۋدە قازاقستان  پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ ەۋرازيالىق ەكونوميكالىق كوميسسيا (ەەك) كەڭەسىنىڭ وتىرىسىنا قاتىستى. وندا ەۋرازيالىق ەكونوميكالىق وداق (ەاەو) تۋرالى كەلىسىم جوباسىن دايىنداۋ ماسەلەلەرى قارالدى, دەپ حابارلادى پرەمەر-ءمينيستردىڭ ءباسپاسوز قىزمەتى. «ەاەو تۋرالى كەلىسىم جوباسى ازىرلەندى. كەلەسى قادام ىشكى مەملەكەتتىك پرو­تسەدۋرالاردى جۇرگىزۋ بولادى. سون­داي-اق, كەلىسىم جوباسى وسى جىلعى 29 ما­مىردا استانادا وتەتىن جوعارعى ەۋرا­زيالىق ەكونوميكالىق كەڭەس وتىرىسى بارىسىندا مەملەكەت باسشىلارىنىڭ قول قويۋىنا دايىنداۋ ءۇشىن مەملەكەتتىك تىلگە اۋدارىلاتىن بولادى», دەدى ب.ساعىنتاەۆ ەەك كەڭەسى قورىتىندىسى بويىنشا. تۇتاستاي العاندا, ەاەو تۋرا­لى كەلىسىم جوباسى وداققا مۇشە-مەم­لە­كەتتەر ەكونوميكاسىن, ونىڭ ىشىندە, كولىك, ەنەرگەتيكا, اگروونەركاسىپ سالالارىن, ورتاق نارىقتا ادال باسەكەلەستىكتى دامىتۋ ءۇشىن ءوزارا ءتيىمدى, تەڭ قۇقىقتى ەكو­­نو­ميكانى ورىستەتۋگە قوسىمشا سەرپىن بەرەدى. بۇتىندەي العاندا, كەلىسىم جوباسىن دايىنداۋ شەڭبەرىندە كەلىسىمدەرگە قول جەتكىزۋ جونىندە العا ۇلكەن قادام جاساعانىمىزدى اتاپ وتەمىن. ءبىزدىڭ بىرلەسكەن جۇمىسىمىز ەلدەرىمىز ارا­سىن­داعى ينتەگراتسيانىڭ جوعارى دەڭگەيدە ەكەنىنىڭ كورىنىسى, تەڭ قۇقىقتى ارىپتەستىك قاتىناس الەۋەتىن ءتيىمدى پايدالانۋعا پەيىل ەكەنىمىزدى اتاپ وتۋگە ءتيىسپىن, دەپ قورىتىندىلادى ءسوزىن ب.ساعىنتاەۆ.