ماماندار دايارلاۋ ءىسىنىڭ ماڭىزى زور

كەشە ورتالىق كوممۋنيكاتسيالار قىزمەتىندە وتكەن بريفينگكە پارلامەنت ءماجىلىسىنىڭ دەپۋتاتتارى ءۋاليحان بيشىمباەۆ, گۇلميرا يسىنباەۆا جانە ءاسيما بيمەندينا قاتىسىپ, «ەكونوميكا سالالارىنا ارنالعان تەحنيكالىق جانە كاسىبي جوعارى ءبىلىم بەرۋ جۇيەسىندەگى كادر دايارلاۋدىڭ ساپاسى مەن پەرسپەكتيۆالارى تۋرالى پارلامەنتتىك تىڭداۋ وتكىزۋ» تاقىرىبىندا جۋرناليستەرمەن اڭگىمە قوزعادى. وكق وتكىزەتىن ءداستۇرلى بري­فينگكە شاقىرىلعان دەپۋتات­تار­دىڭ قاي-قايسىسى دا وسى سالادا ەڭبەك ەتىپ, ونىڭ بارلىق تى­نى­سىن, جاي-كۇيىن, ءتىپتى, ىشكى ۇساق-تۇيەك جۇمىستارىنىڭ دا بۇگە-شىگەسىن ابدەن بىلەتىن ادامدار دەسەك قاتەلەسپەسىمىز انىق. سون­­دىقتان دا, ماسەلەنىڭ ءمان-جايىن ىشكى قىرتىستارىمەن قوسا قابات اقتاراتىن جاندار وتكىزەتىن بري­فينگكە جۋرناليستەردىڭ دە قى­زى­عۋشىلىقتارىنىڭ ويانۋى زاڭدى. ءسوز باستاعان ۋ.بيشىمباەۆ: «بiلiم بەرۋ سالاسىنا دا, جۇمىس بەرۋشiلەرگە دە كادرلاردى دايارلاۋ ماسەلەسiندە تەڭ جاۋاپكەرشiلiكتi بەلگiلەيتiن جۇيەنi قۇرۋىمىز بۇگىنگى ۋاقىت تالابى بولىپ وتىر. قازىرگى ۋاقىتتا مەملەكەت تە, اتا-انا دا جەتكىنشەكتەردىڭ ءبىلىم الۋىنا جاعداي تۋعىزۋدا», دەگەن دەپۋتات, وسى جەردە دايىندالاتىن كادرلاردىڭ ساپاسى ناشار, ولاردىڭ جۇمىستارى كوڭiل كونشىتپەيدى دەپ مiن ايتاتىن جۇمىس بەرۋشiلەردiڭ وزدەرىندەگى كەمشىلىكتەرگە توقتالعان. «شىنىنا كەلگەندە, – دەدى دەپۋتات, – جۇمىس بەرۋشىلەردىڭ وسى ەل ءۇشىن قاجەتتى iسكە قوساتىن ۇلەسiن الىپ قاراساق, ول شامامەن 1 پايىز شاماسىندا عانا. كادرلار قاجەتتiلiگiن العا تارتۋشى جۇمىس بەرۋشiلەر ولاردى دايارلاۋعا قاجەتتى دەڭگەيدە ۇلەس قوسپايتىنى ءوز الدىنا, بiلiم بەرۋ ۇدەرiسiنە سەنiمسiزدiك بiلدiرiپ وتىر. مەملەكەت قولىنان كەلگەن جاعدايدىڭ بارلىعىن جاساپ جاتىر. پرەزيدەنتتiڭ بەرگەن تاپسىرمالارىنىڭ ارقاسىندا سوڭعى 7-8 جىلدا بiلiم بەرۋدi قارجىلاندىرۋ ەكi ەسەلەنiپ, 1,5 ترلن. تەڭگەگە جەتتi. حالىق تا بiلiم سالاسىنا قوماقتى قارجى قۇيۋدا. سەبەبi, اتا-انالار ءوز بالالارىن وقىتىپ جاتىر». وسىلاي دەگەن ۋ.بيشiمباەۆ قانداي سالالاردا ماماندار قاتتىعى ايقىن سەزىلەتىنىن دە ورتاعا سالدى. ماسەلەن, ماشينا جاساۋ, مۇناي-حيميا سالالارىندا جوعارى بىلىكتى ماماندارمەن قاتار, بىلىكتى جۇمىسشىلار دا جەتىسپەيدى, سونداي-اق, اقىلعا سىيمايتىن جەتىمسىزدىك اۋىل شارۋاشىلىعى سالاسىندا دا بار. نارىق بيلىگى ءجۇرىپ تۇرعان ۋاقىتتا جۇمىس بەرۋشi, ءوندiرiس جانە بiلiم بەرۋ سالاسى – بارلىعى بiر باعىتتا جۇمىس iستەۋi تيiس. ولاردىڭ ءوزارا تىعىز بايلانىستا بولۋى – زامان تالابى. سول سەبەپتەن بiلiم بەرۋ سالاسىنا دا, جۇمىس بەرۋشiلەرگە دە كادرلاردى دايارلاۋ ماسەلەسiندە تەڭ جاۋاپكەرشiلiكتi بەلگiلەيتiن جۇيەنi قۇرۋىمىز قاجەت. جۇمىس بەرۋشiلەر دە بۇل iسكە قارجى باعىتتاۋى تيiس. دامىعان ەلدەردە ولاردىڭ كورسەتكiشi 30 پايىزعا دەيiن جەتەدi. ال بiزدەگi كورسەتكiش 1 پايىز شاماسىندا عانا, دەگەن دەپۋتات مۇنداي پروبلەمالاردىڭ تۋىنداۋ سەبەپتەرiن ايقىنداۋ جانە ونى شەشۋ جولدارىن iزدەستiرۋ دەپۋتاتتىق كورپۋستىڭ مiندەتi دەپ وي تۇجىرىمدادى. گ.يسىنباەۆا: «قازىرگى تاڭدا سۇرانىس پەن ءبىزدىڭ دايىنداپ وتىرعان ماماندارىمىزدىڭ سايكەستىگى قانداي. تەك مامانداردىڭ سانىنا عانا ءمان بەرمەي, ولاردىڭ ساپاسىنا دەن قويۋ, ەكونوميكاعا قاجەتتى جوعارى بىلىكتى ماماندار دايىنداۋ ءبىزدىڭ العا قويعان كەۋدەلى ماقساتتارعا قول جەتكىزۋىمىزگە جول اشادى. سول سەبەپتەن, پارلامەنت ءوزى تاراپىنان بۇگىنگى كۇنى نە جاساۋى كەرەك دەگەن ماسەلەلەردى ۇنەمى نازاردا ۇستاۋدا», دەپ كاسىپتىك-تەحنيكالىق ءبىلىم بەرۋ سالاسى توڭىرەگىندە اڭگىمە ءوربىتتى. ونىڭ ايتۋىنشا, قازىر ەلىمىزگە 30 مىڭنان استام مامان قاجەت ەكەن. ونىڭ ىشىندەگى باسىم كوپشىلىگى جۇمىسشى ماماندارى, دەگەن دەپۋتات كوپشىلىك كوكەيىندەگى تاعى ءبىر ماسەلەگە توقتالىپ ءوتتى. ول – كوللەدج اياقتاعان جاستاردىڭ ءارى قاراي وقۋىن جالعاستىرامىن دەگەنىندەگى كىلتيپان. بۇرىن ونداي جاستار ءوز ماماندىعى بويىنشا جوو-نىڭ ءۇشىنشى كۋرسىنا ەمتيحان تاپسىرىپ تۇسە الاتىن. قازىر ول جۇيە وزگەرىپ, ولار ورتا مەكتەپتى بىتىرۋشىلەرمەن بىردەي تەست تاپسىرادى. جانە ول جالپىعا ءبىلىم بەرەتىن مەكتەپ باعدارلاماسى بويىنشا جۇرگىزىلەدى. ال كوللەدج­دەر مەن مەكتەپ باعدارلامالارى بىردەي ەمەس. ءبىز سوندىقتان كول­لەدجدى بىتىرگەندەر مەن جالپىعا بىردەي ءبىلىم بەرەتىن مەكتەپ تۇلەكتەرىنە قويىلاتىن تالاپتا وزگەشەلىك بولۋى ءتيىس دەيمىز. كوللەدج بىتىرگەندەرگە وقىعان ماماندىعىنا سايكەس تەست تاپسىرمالارى بولۋى كەرەك نەمەسە ولار سول بۇرىنعى جۇيەمەن, جوو-نىڭ ءۇشىنشى كۋرسىنا ەمتيحان تاپسىرىپ ءتۇسۋى ءتيىس دەگەن ماسەلە قويىپ وتىرمىز, دەدى گ.يسىنباەۆا. بريفينگ سوڭىندا دەپۋتاتتار جۋرناليستەر قويعان ساۋالدارعا جاۋاپ بەردى. انار تولەۋحانقىزى, «ەگەمەن قازاقستان».