«راحمەت سىزگە, دارىگەر!»

ناۋقاس ادامنىڭ اق حالاتتى جاننىڭ الدىنا بارعان كەزدەگى كوڭىل كۇيى بەلگىلى عوي. تامىرىن ۇستاپ وتىرعان دارىگەر بىلىكتى, تاجىريبەلى, ساۋاتتى بولسا, سىر­قاتىم­دى ءدال تاپسا ەكەن دەپ ويلايدى. نەگىزى, ناۋقاس ادام دارىگەردىڭ ايتقانىنا يمانداي سەنەدى. سودان بولار, جىلى ءسوز دامەتەدى. دارىگەردىڭ «قورقاتىنداي دانەڭە جوق, ءبىراز ەم الىپ, وزىڭىزگە كۇتىم جاساساڭىز, دەرتىڭىزدەن قۇلان-تازا ايىعىپ كەتەسىز» دەگەن جىلى ءسوزىنىڭ ءوزى جارتى ەم. سوندىقتان ناۋقاستار ءۇشiن ەڭ قاجەتتiسi – دارiگەردiڭ ساۋاتتىلىعى, ادالدىعى, مەيىرباندىعى. مەملەكەت باسشىسى نۇرسۇلتان نازار­باەۆ حالىققا ارناعان «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىندا دارىگەرلەر قاۋىمىنا ۇلكەن جاۋاپكەرشىلىك جۇكتەدى. وندا دەنساۋلىق ساقتاۋ سالاسىنداعى باستى باسىمدىق رەتىندە العاشقى مەديتسينالىق-سانيتارلىق كومەكتى دامىتۋ كەرەك ەكەنى ايتىلعان. حالىققا ساپالى ءارى قولجەتىمدى مەديتسينالىق قىزمەت كورسەتۋ ول دارىگەرلەردىڭ ءبىلىمى مەن بىلىكتىلىگىنە بايلانىستى. بۇگىنگى كۇنى مەديتسينا كوپتەگەن كەرەمەت جەتىستىكتەرگە جەتتى. دەگەنمەن, قازىرگى كەزدىڭ وزىندە دە بىلگەنىمىزدەن بىلمەيتىنىمىز كوپ قولىمىزدان كەلىپ, قانشا تىرىسىپ, سوعان جەتكىمىز كەلسە دە, كوبىنەسە اۋرۋ ادامعا تولىققاندى كومەك كورسەتە الماي جاتامىز. اۋرۋدىڭ تۇرلەرى مەن ولاردى ەمدەۋ جولدارى تۋرالى ءبىلىمىمىزدىڭ جەتىسپەيتىندىگىن مويىنداۋ – ءوزىڭدى كىنالاۋ ءۇشىن ەمەس, ول ءوزىڭدى ءوزىڭ تاربيەلەۋدەگى, ءبىلىمىڭدى جەتىلدىرۋدەگى باس­تى قاعيدا بولۋى قاجەت. دارىگەردىڭ ءبىلىم دەڭگەيى مەن جيناعان تاجىريبەسى ءوز الدىنا ءبىر بولەك. دارىگەردىڭ ءومىرى – بۇل ەشقاشان بىتپەيتىن ۋنيۆەرسيتەت. بۇگىندە جامبىل وبلىسىندا «راحمەت سىزگە, دارىگەر!» اكتسياسى ۇيىم­داستى­رىلىپ, بارلىق ەمدەۋ, ال­دىن الۋ مەكەمەلەرىندە اۋرۋدىڭ الدىن-الۋ, سىرقات بەلگىلەرىن ەرتە انىقتاۋ ماقساتىندا سكرينينگتىك باع­دارلاما وتكىزىلۋدە. اتالمىش باع­دارلاما بويىنشا 420 مىڭ ەرەسەك جانە 340 مىڭنان اسا بالالار قامتىلدى. قاناينالىمى جۇيەسى اۋرۋلارى بويىنشا تەكسەرىلگەندەر اراسىنان 7,2 پايىز ادامنىڭ ناۋقاس ەكەنى انىقتالسا, قانت ديابەتىنىڭ العاشقى بەلگىلەرى 375-تەن اسا ادامداردا بايقالدى. ومىرىندە العاش رەت گلاۋكوما, ىسىك جانە ىشەك اۋرۋلارى ايەلدەردىڭ جىنىستىق ورگاندارىنىڭ ىسىك اۋرۋلارى 2839 ادامنان انىقتالدى. سكرينينگ – بالالار مەن ەرەسەكتەردىڭ پروفيلاكتيكالىق تەكسەرۋلەرىن, قان اينالىمى جۇيەلەرىنىڭ اۋرۋلارىن, جاتىر موينىنىڭ, ءسۇت بەزدەرى وبىرىن باستاپقى كەزەڭىندە اي­ق­ىنداۋدى  جانە ولاردىڭ دامۋ  فاكتورلارىن قامتيدى. مۇنداي زەرتتەۋلەر جۇرەك-قان تامىر اۋرۋلارىن, قانت ديابەتىن, گلاۋكومانى جانە ونىڭ قاۋىپتى فاكتورلارىن, سونداي-اق گەپاتيت پەن ينسۋلت, ينفاركت, تسيرروز, باۋىر وبىرىن اسقىندىرماي انىقتاۋعا مۇمكىندىك بەرەدى. ايتا كەتەرلىك جايت, بۇگىنگى تاڭدا مەديتسينا سالاسىندا 2 742 دارىگەر جانە 9 735 ورتا بۋىن مەديتسينا قىزمەتكەرلەرى ەڭبەك ەتۋدە. ولاردىڭ ارقايسىسىنىڭ تۇرعىندار دەنساۋلىعىن ارتتىرۋعا قوسىپ وتىرعان ءوز ۇلەستەرى بارى ءسوزسىز. دۇيسەنكۇل كەرىمباەۆا, تاراز قالالىق №6 ەمحاناسىنىڭ باس دارىگەرى. جامبىل وبلىسى.