ايماقتار • 09 قىركۇيەك، 2022

وتباسىلىق قۇندىلىقتاردى دارىپتەيدى

63 رەت كورسەتىلدى

ەلىمىزدىڭ ءار شالعايىندا شارۋاسىن دا دوڭگەلەتىپ، شاڭىراعىنىڭ دا بەرە­­كەسىن كەلتىرىپ وتىرعان ايەلدەر «جەر شارى حانىمى قازاقستان» بايقاۋىندا باق سىناپ كورۋگە ارەكەت ەتىپ ءجۇر.

وسى جارىستا باس جۇلدەنى جەڭىپ العان تابىستى دا سۇلۋ ايەل Mrs. Kazakhstan Globe ءتاجىن كيىپ، اتى دۇركى­رەگەن MRS. GLOBE حالىقارالىق بايقاۋىنا ەل اتىنان بارادى. 1 جەلتوق­ساننان بەرى بايقاۋعا قاتىسۋعا بيزنەس، ءبىلىم، سپورت، ساياسات، مادەنيەت، قو­عام­دىق ومىردە جەتىستىكتەرگە جەتكەن 25-45 جاس ارالىعىنداعى كەلىنشەكتەر ءوتىنىش بەرسە، ولاردىڭ اراسىندا ۇيدە وتىر­عانى، ازاماتتىق نەكەدە تۇرىپ جات­قانى، تۇرمىس تاۋقىمەتىن تارتقانى، اجىراسقاندارى دا بار...

MRS. Globe Kazakhstan سۇلۋلىق بايقاۋىنىڭ ۇيىمداستىرۋشىسى ءارى فرانشيزا يەسى جاننا مەيرەمباەۆا: «Mrs. Globe حالىقارالىق سۇلۋلىق بايقاۋىنىڭ وتكىزىلىپ كەلە جاتقانىنا 26 جىل بولدى. وسى ارالىقتا ول وتە تانىمال جانە ايگىلى كونكۋرسقا اينالدى. ەندى قازاقستاندا جىل سايىن Mrs. Globe وتكىزۋ مۇمكىندىگى تۋىپ وتىر. ەل حانىمىن تاڭداۋ – الەمنىڭ كوپ ەلىندە بار ءداستۇر. قازاقستاندا وتباسىنا دا، ءوز ىسىنە دە، دامۋىنا دا ۋاقىت تاباتىن تابىستى ايەلدەر جەتكىلىكتى. وسى بايقاۋدا باق سىناعاندار تابىستىڭ جاڭا ساتىسىنا كوتەرىلىپ، بيزنەستە جاڭا سەرىكتەستەر مەن ينۆەستورلار تابا الادى»، دەيدى.

وسى باستاماعا وراي الماتىدا وتكەن ءباس­پاسوز ءماسليحاتىندا پرەزيدەنت جا­نىن­داعى ايەلدەر ىستەرى جانە دەمو­گرا­فيالىق ساياسات جونىندەگى ۇلتتىق كوميس­سيانىڭ مۇ­شەسى مارياننا گۋرينا: «ايەلدەردىڭ قو­لىنان كوپ نارسە كەلەدى. ەگەر مەملەكەتتىك باس­قارۋعا ايەلدەر كو­بىرەك تارتىلسا، ەلىمىز بۇدان دا ۇلكەن جەڭىسكە جەتۋى مۇمكىن. قا­زىردىڭ وزىندە پارلامەنتتەگى ايەلدەر سانى 30%-عا جۋىق. سوندىقتان بارلىق قا­تى­سۋشىلاردىڭ جاڭا مۇمكىندىكتەرىن اشاتىن وسىنداي بايقاۋدىڭ بار ەكەنىن سەزىنۋ قۋانتادى»، دەيدى.

سونىمەن بايقاۋعا قاتىسۋعا ءۇمىت بىلدىرگەن 300 ايەلدىڭ ىشىنەن 22 كونكۋرسانت ىرىكتەۋدەن ءوتتى. MRS. Globe Kazakhstan بايقاۋىنىڭ اقتىق سىنى 8 قازان­دا الماتىدا وتەدى. سونىمەن اتالعان جو­بانىڭ دايىندىق كەزەڭى 4 ايعا سوزىلىپ، فيناليستەر تالاي شەبەرلىك سىنىپ­تارى مەن ترەنينگتەردەن ءوتتى. شەشەن­دىك ونەردى ۇيرەندى، كامەرا الدىندا سويلەپ، ساحناعا شىعۋعا داعدىلاندى. جۇل­دىزدى سپيكەرلەرمەن بىرگە جەكە برەند قۇرىپ، الەۋمەتتىك جەلىلەردە وزدە­رىن ادەمى كورسەتۋگە بەيىمدەلدى. ءسان مىن­بەرىندە ءجۇرۋ، يوگا جانە ەتيكەت ساباقتا­رىنان ءوتتى. قارجى ساراپشىلارىمەن ­بىرگە ماقسات قويۋدى ۇيرەندى. ۇزدىك ستيليستەر، ۆيزاجيستەر مەن مەيكاپ-ماماندار توبى بايقاۋعا قاتىسۋشىلاردى فوتوسەسسيالار مەن تۇسىرىلىمدەرگە دايىندادى.

قورىتا ايتقاندا، MRS. Globe Kazakhstan بايقاۋى وتباسىلىق قۇندى­لىقتاردى دارىپتەۋدى، ۇلتتىق مادەني مۇرالاردى ساقتاۋ مەن ناسيحاتتاۋدى، ەلدىڭ ىشكى جانە سىرتقى ءتۋريزمىن دامىتۋ مەن ىلگەرىلەتۋدى دە كوزدەيدى.

 

الماتى

سوڭعى جاڭالىقتار

ۇقساس جاڭالىقتار