الداعى كۇندەرى ورتەنگەن كوكتوبەنىڭ وسىمدىكتەرى الەمى مەن جەمىس اعاشتارى, ونىڭ ساياسىن مەكەندەگەن تىرشىلىك يەلەرىنە قانشالىقتى زيان كەلگەنى ناقتى انىقتالا جاتار. الايدا كوكتەبەدەگى ءورت قاساقانا جاسالدى دەگەن قاڭقۋ ءسوزدىڭ جەلدەي ەسۋىنە سول كۇنى قالا تۇرعىنى كەزدەيسوق ءتۇسىرىپ العان, الەۋمەتتىك جەلىلەردە تارالعان بەينەكورىنىس تۇرتكى بولعان ەدى.
انىعىن باياندار بولساق, 6 قىركۇيەك كۇنى كەشكى ساعات 7-لەر شاماسىندا كوكتوبە باۋرايىنداعى جانىبەكوۆ كوشەسى, 78 مەكەنجايى ماڭىنان ءورت شىعىپ, 9-داردا تولىق سوندىرىلگەن. وقيعا ورنىندا 19 ءورت ءسوندىرۋ تەحنيكاسى مەن جەكە قۇرامنىڭ 130 ادامى جۇمىلدىرىلعان. جالىن 3 گەكتار شاماسىنداعى اۋماقتى قامتىعان. قازا تاپقاندار مەن زارداپ شەككەندەر جوق.
جەتىنشى قاڭتار كۇنى الماتى پوليتسياسى بەينەبايانداعى كۇدىكتىنى ۇستادى, 1968 جىلى تۋعان ەر ادام ءورت قويعانىن مويىنداعان. ول ىشىمدىك ءىشىپ الىپ, كونسەرۆى جىلىتقىسى كەلگەنىن, بىراق ءورت بۇتالارعا ءتيىپ, ءورشي باستاعان كەزدە قورقىپ, ءورت شىققان جەردەن كەتىپ قالعانىن مويىنداعان. وقيعانىڭ ءمان-جايىن تەكسەرۋ جالعاسىپ جاتىر.
قازىرگى تاڭدا كوكتوبە قانشالىقتى زيان شەككەنى انىقتالىپ, وعان قوسا تاۋ بەتكەيلەرىندەگى قۋراعان شوپتەر دە شابىلىپ جاتىر. سەبەبى ءورت قاۋپى ءالى ساقتالىپ, سارسەنبى قالادا كۇن رايى +35 گرادۋسقا دەيىن جەتتى.
قىسقاسى, ءتىلسىز جاۋدىڭ كەسىرىنەن 3 گەكتارعا جۋىق جەر ورتەندى. بىراق ءورت ءسوندىرۋ قىزمەتى قىزىل جالىننىڭ كەڭ تارالۋىنا جول بەرمەي دەر كەزىندە ءوشىردى. زارداپ شەككەندەر جوق. ۇيلەر مەن وزگە دە عيماراتتارعا نۇقسان كەلمەگەن.
ايتقانداي, كوكتوبە 2019 جىلى دا ورتەنگەن بولاتىن. ول كەزدە 20 گەكتار جەرگە زيان كەلگەن ەدى. جاسىل جەلەكتى قالپىنا كەلتىرۋ ءۇشىن «كوكتوبە ساياباعى» جشس ەكى جىلدان بەرى جاڭعاق پەن الما اعاشتارىن وتىرعىزىپ كەلەدى. الايدا كەشەگى ءورت جاس اعاشتاردىڭ ءبىرازىن شارپىپ وتكەن. «كوكتوبە ساياباعى» جشس وكىلى فارحاد ۋاليەۆ: «2021 جىلى كۇزدىڭ كۇنى جاڭعاق تۇپتەن 1500 ءتۇپ وتىرعىزىلدى. ونىڭ ۇستىنە قالالىق اكىمدىك كومەكتەسىپ تۇرادى. 2020 جىلى سيۆەرس الماسىنىڭ 5 مىڭ ءتۇپ كوشەتىن وتىرعىزدىق. وسىلاي ءورتتىڭ الدىن الۋ جۇمىستارى جۇرگىزىلىپ تۇرادى», دەيدى.
الماتى
