استانا تۇرعىنى مەملەكەتتىك ءتىلدى مەنسىنبەگەن بانكپەن ءبىر جىل سوتتاستى

استانا. 14 مامىر. استانالىق رۋزا بەيسەنبايتەگى مەملەكەتتىك ءتىلدى مەنسىنبەگەن بانكپەن ءبىر جىل بويى سوتتاسىپ, اقىرى جەڭىپ شىقتى. بۇل تۋرالى Nur.kz حابارلادى. رۋزا بەيسەنبايتەگى مەن «تسەسنابانك» اراسىنداعى داۋ-داماي 10 ايعا جالعاسقا. پاۆلودار قالاسىنداعى بانك بولىمدەرىنىڭ بىرىنە سالىق تولەمەك بولعان كاسىپكەرگە «تسەسنابانك» قىزمەتكەرلەرى  «اتى-ءجونىڭىز قازاقشا بولعاندىقتان قىزمەت كورسەتە المايمىز» دەگەن مازمۇندا سىلتاۋ ايتقان. بۇعان نامىسى كەلگەن رۋزا بەيسەنبايتەگى «مەملەكەتتىك ءتىل تۋرالى» زاڭعا جۇگىنگەننەن كەيىن عانا بانك قىزمەتكەرلەرى ونىڭ قۇجاتتارىن قابىلداعان. الايدا, سالىق تولەۋشىگە بەرىلگەن قۇجاتتاعى ونىڭ اتى-ءجونى جازىلاتىن تۇس تۇسىنىكسىز بەلگىلەرمەن تولتىرىلادى. مۇنىڭ سەبەبىن, بانكتە مەملەكەتتىك تىلدە جازاتىن باعدارلاما جوق دەپ تۇسىندىرگەن. انا ءتىلىنىڭ ءوز ەلىندە وسىنشاما شەتقاقپاي كورگەنىنە جانى كۇيگەن  رۋزا بەيسەنبايتەگى استاناداعى سارىارقا اۋداندىق سوتقا شاعىمدانىپ, ناتيجەسىندە جەڭىسكە جەتەدى. سوتتىڭ شەشىممەن كەلىسپەگەن «تسەسنابانك» وكىلدەرى ءىستى قايتا قاراۋعا ءوتىنىش تۇسىرەدى. الايدا, سوت قابىلدانعان شەشىمدى وزگەرىسسىز قالدىرعان. سوت ۇيعارىمىنا سايكەس, «تسەسنابانك» رۋزا بەيسەنبايتەگىنە 56 مىڭ تەڭگە مورالدىق وتەماقى تولەيتىن بولدى. جولدىباي بازار. دەرەككوز: Nur.kz. فوتو: Nur.kz.