فورۋم «جاھاندىق بيزنەستىڭ جاڭا ەرەجەلەرىنە بەيىمدەلۋ – ونەركاسىپ, ەنەرگەتيكا جانە لوگيستيكاداعى ورتاق مۇمكىندىكتەر» تاقىرىبىندا ءوتتى.
ءىس-شارا قازاقستان-گەرمانيا ۇكىمەتارالىق جۇمىس توبىنىڭ تەڭ توراعاسى, گفر ەكونوميكا جانە كليماتتى قورعاۋ فەدەرالدىق مينيسترلىگىنىڭ سىرتقى ەكونوميكالىق ساياسات جونىندەگى ديرەكتورى, دوكتور دومينيك شنيحەلس باستاعان توپتىڭ ساپارى اياسىندا ءوتتى. ساپار بارىسىندا گەرمانيا دەلەگاتسياسى مەملەكەت باسشىسى قاسىم-جومارت توقاەۆپەن دە كەزدەستى.
بيزنەس-فورۋمعا ورتالىق جانە جەرگىلىكتى مەملەكەتتىك ورگانداردىڭ, ۇلتتىق جانە كۆازيمەملەكەتتىك كومپانيالاردىڭ باسشىلارى, سالالىق جانە وڭىرلىك بيزنەس قاۋىمداستىقتارىنىڭ وكىلدەرى, سونداي-اق Siemens, Deutsche Bahn, SAP, Becker Mining Systems AG, Knauf, Wilo ت.ب. جەتەكشى نەمىس كومپانيالارىنىڭ باسشىلارى قاتىستى. فورۋمعا بارلىعى 150 دەلەگات قاتىستى.
گەرمانيا - قازاقستاننىڭ ەو-داعى ماڭىزدى سەرىكتەستەرىنىڭ ءبىرى. ەلدەر اراسىندا ساۋدا-ەكونوميكالىق ىنتىماقتاستىقتى تەرەڭدەتۋگە, ينۆەستيتسيالاردى ىنتالاندىرۋعا جانە ءوزارا قورعاۋعا باعىتتالعان بىرقاتار ۇكىمەتارالىق كەلىسىم بار.
2021 جىلى قازاقستان مەن گەرمانيا اراسىنداعى تاۋار اينالىمى 2,2 ملرد دوللار بولدى. بۇل وتكەن جىلدىڭ سايكەس كەزەڭىمەن سالىستىرعاندا (2,1 ملرد دوللار) 6,4%-عا جوعارى. 2005 جىلدان بەرى گەرمانيانىڭ قازاقستان ەكونوميكاسىنا سالعان تىكەلەي شەتەلدىك ينۆەستيتسياسى شامامەن 5,3 ميلليارد دوللارعا جەتتى. ونىڭ باسىم بولىگى وڭدەۋشى ونەركاسىپكە باعىتتالدى. سونداي-اق قۇنى 2 ميلليارد دوللاردان اساتىن 9 جوبا جۇزەگە اسىرىلۋدا.
ءىس-شارانىڭ اشىلۋىندا ءسوز سويلەگەن رومان سكليار مەملەكەت باسشىسى جاريالاعان «جاڭا قازاقستان» تۇجىرىمداماسى اياسىندا جوسپارلانىپ وتىرعان ساياسي جانە الەۋمەتتىك-ەكونوميكالىق رەفورمالار تۋرالى, قازاقستان ۇكىمەتىنىڭ ونى جۇزەگە اسىرۋداعى ماقساتتارى مەن باسىمدىقتارى تۋرالى حابارلادى.
«ۇكىمەت ەلدىڭ ينۆەستيتسيالىق تارتىمدىلىق دەڭگەيىن ارتتىرۋ بويىنشا تۇراقتى جۇمىس جۇرگىزۋدە. ESG تالاپتارىنىڭ جوعارىلاۋى, جاھاندىق ەنەرگەتيكالىق جانە تەحنولوگيالىق اۋىسۋ جاعدايىندا قازاقستاننىڭ ينۆەستيتسيالىق تارتىمدىلىعىن ارتتىرۋعا باسا نازار اۋدارا وتىرىپ, قازاقستاننىڭ ينۆەستيتسيالىق ساياساتىنىڭ جاڭا تۇجىرىمداماسىنىڭ جوباسى قابىلداندى. يننوۆاتسيالار سالىق رەجيمدەرىن وڭتايلاندىرۋ جانە وڭايلاتۋ شارالارىن, ەكونوميكانىڭ باسىم سەكتورلارىنا ينۆەستورلاردى سۋبسيديالاۋدى جانە باسقا دا ىنتالاندىرۋدى قامتيدى», دەدى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى.
ءسوزىنىڭ سوڭىندا رومان سكليار نەمىس كومپانيالارىن ينۆەستيتسيالىق بايلانىستاردى كەڭەيتۋگە, سونداي-اق جاڭا بىرلەسكەن ينۆەستيتسيالىق جوبالاردى جۇزەگە اسىرۋعا بەلسەندى قاتىسۋعا شاقىردى.
قازاقستان-گەرمانيا ۇكىمەتارالىق جۇمىس توبىنىڭ تەڭ توراعاسى دومينيك شنيحەلس ەلدەر اراسىنداعى ەكىجاقتى قارىم-قاتىناستاردىڭ ماڭىزدىلىعىنا توقتالدى. سونداي-اق قازاقستان مەن گەرمانيانىڭ كوپتەگەن سالالاردا بىرلەسكەن جوبالاردى جۇزەگە اسىرۋعا الەۋەتى زور ەكەنىن اتاپ ءوتتى.
«وتكەن پاندەميالىق داعدارىس پەن قازىرگى گەوساياسي جاعدايدىڭ مىسالىنا قاراي وتىرىپ, ءبىز ازىق-ت ۇلىك قاۋىپسىزدىگىنىڭ, ەنەرگيا ەركىندىگىنىڭ جانە تاۋارلاردى جەتكىزۋ تىزبەگىن دامىتۋدىڭ ماڭىزدىلىعىن كورەمىز. وسى تۇرعىدان العاندا, ءبىز قازاقستاننىڭ گەرمانيا ءۇشىن ەكونوميكانىڭ كوپتەگەن ماڭىزدى سالالارىندا ۇلكەن الەۋەتكە يە ەكەنىن بايقايمىز. ورنالاسقان جەرى مەن لوگيستيكالىق ارتىقشىلىقتارىمەن قاتار قازاقستاننىڭ وراسان زور رەسۋرسى مەن ادامي الەۋەتى دە بار. ىنتىماقتاستىقتى كەڭەيتۋ قازاقستان ءۇشىن دە, گەرمانيا ءۇشىن دە وتە ءتيىمدى دەپ ەسەپتەيمىز», دەدى دومينيك شنيحەلس.
سونداي-اق قازاقستان رەسپۋبليكاسى يندۋستريا جانە ينفراقۇرىلىمدىق دامۋ ۆيتسە-ءمينيسترى مارات قاراباەۆ, قازاقستان رەسپۋبليكاسىنىڭ ەنەرگەتيكا ۆيتسە-ءمينيسترى جاندوس نۇرماعانبەتوۆ, «KAZAKH INVEST» ۇك» اق باسقارما توراعاسى مەيىرجان يۋسۋپوۆ جانە احقو باسقارماسىنىڭ توراعاسى ەرنۇر رىسماعامبەتوۆ فورۋم بارىسىندا قازاقستاندىق تاراپتىڭ اتىنان ءسوز سويلەدى.
KAZAKH INVEST باسشىسى ءوز سوزىندە قازاقستاننىڭ ۇسىنىپ وتىرعان ينۆەستيتسيالىق مۇمكىندىكتەرىنە, سونداي-اق مەملەكەتتىك قولداۋ شارالارىنا توقتالدى.
«ەۋروپا مەن ازيانىڭ توعىسقان جەرىندەگى ستراتەگيالىق ورنالاسۋىنىڭ, ءىرى كورشى نارىقتارعا شىعۋىنىڭ, قولايلى بيزنەس-ورتانىڭ, قولجەتىمدى جانە بىلىكتى جۇمىس كۇشى مەن كەشەندى مەملەكەتتىك قولداۋ شارالارىنىڭ ارقاسىندا قازاقستان حالىقارالىق ينۆەستورلاردىڭ نازارىن ارتتىرۋدى جالعاستىرۋدا. بۇل بيزنەس-فورۋم نەمىس كاسىپكەرلەرى ءۇشىن جاڭا مۇمكىندىكتەر مەن پەرسپەكتيۆالار اشاتىنىنا سەنىمدىمىز», دەدى مەيىرجان يۋسۋپوۆ.
شارادا ءسوز سويلەگەن نەمىس سپيكەرلەرى قازاقستاننىڭ گەرمانياعا ءداستۇرلى ەنەرگەتيكالىق رەسۋرستاردى جەتكىزۋدى ارتتىرۋ, «جاسىل» ەنەرگيانى ءوندىرۋ جانە كەيىننەن ەكسپورتتاۋ الەۋەتىن جوعارى باعالادى.
ءىس-شارا اياسىندا قازاقستاندىق تاراپ وكىلدەرىنىڭ بىرقاتار نەمىس كومپانياسىنىڭ باسشىلىعىمەن ەكىجاقتى كەزدەسۋلەرى ءوتتى. كەزدەسۋلەر بارىسىندا الەۋەتتى بىرلەسكەن ينۆەستيتسيالىق جوبالار تالقىلاندى.
