كينو • 07 قىركۇيەك، 2022

«اعايىندىلار» ءفيلمى گەرمانيادا كورسەتىلەدى

120 رەت كورسەتىلدى

قازاق كينوسى تاعى دا الەم ساراپشىلارى نازارىندا. ۇلتتىق كينونى قولداۋ مەملەكەتتىك ورتالىعىنىڭ قولداۋىمەن تۇسىرىلگەن رەجيسسەر دارحان تولەگەنوۆتىڭ «اعايىندىلار» دەبيۋتتىك تولىقمەترلى ءفيلمى قىركۇيەك ايىنىڭ 14-18-ءى ارالىعىندا وتەتىن گەرمانيانىڭ Oldenburg International Film Festival-ىنە قاتىسادى. بۇل تۋرالى كينويندۋستريانىڭ جەتەكشى الەمدىك باسىلىمى Hollywood Reporter حابارلادى.

ولدەنبۋرگتەگى حالىقارالىق تا­ۋەلسىز كينو فەستيۆالى – الەمدەگى جە­تەكشى يندي فەستيۆالدەردىڭ ءبى­رى، ونى «ەۋروپالىق ساندانس» دەپ تە اتايدى. ايتۋلى كينوفو­رۋم بۇ­­كىل الەم­نىڭ تاۋەلسىز كينەماتو­گرا­فيس­تەرىنىڭ شىعارماشىلىعىن قول­داۋعا باعىتتالعان.

«ولدەنبۋرگتەگى فەستيۆالدە رەس­مي كونكۋرستىق باعدارلاما جوق، دەگەنمەن جۇلدەلەر مەن پرەمەرالار بار. مۇندا باستىسى – باسەكەلەستىك ەمەس، تاجىريبە الماسۋ. فەستيۆالگە ءبىر قاتىسقان ۇمىتكەرلەر بىزگە قايتا- قاي­تا ورالعىسى كەلىپ تۇرادى»، – دەي­دى فەستيۆال ديرەكتورى تورستەن نوي­مان.

«اعايىندىلار» ءفيلمى بالالار ءۇيى تۇلەگىنىڭ ءومىرى تۋرالى باياندايدى. باس كەيىپكەر اقجول قىلمىستىق الەمگە تارتىلىپ، ءىنىسىنىڭ بار ەكەنىن بىلمەيدى. اعايىندى قوس جىگىت كەزدەس­كەن سوڭ وتباسىن تابۋعا ۇمىتتەنىپ، اكەسىن ىزدەي باستايدى…

دارحان تولەگەنوۆ اعايىندى ەكى جىگىتتىڭ تاعدىرى ءبىر-بىرىمەن تاماشا ۇشتاساتىن ءفيلمدى ءتۇسىرۋ يدەياسى شىنايى ومىردەن تۋىنداعانىن ايتادى: ء«وزىمنىڭ دە تۋعان ءىنىم بار. ياعني مەن جاي عانا وسى تاقىرىپتا ويلانىپ، تولعاندىم: ەگەر ءبىر-ءبىرىنىڭ بار ەكەنىنەن بەيحابار اعايىندار كەزدەسىپ، ورتاق بولاشاققا ءۇمىت ارتسا شە؟ مىنە، وسى تاقىرىپتا فيلم تۇ­سىر­گىم كەلدى»، – دەپ سىر اشتى رەجيسسەر.

باستى رولدەردە الىشەر يسماي­­لوۆ، ايبار سالى جانە ازات ءجۇ­ما­دىل ويناعان كارتينا تۇسىرىلىمىنە نەگى­زىنەن كاسىبي ماماندار توبى اتسا­لىستى. اتاپ ايتساق، ستسەناريست الەن راح­­مەتاليەۆ، پروديۋسەر ماكسيم اك­­­باروۆ، قويۋشى وپەراتور شەرحان تاڭ­­سىقباەۆ، قويۋشى سۋرەتشى باع­دات قو­جاحمەتوۆ باستاعان كوماندا «اعايىن­دىلاردىڭ» كورەرمەن جۇرە­­گىنە جەتۋ جولىندا تەر توكسە، فيلم­گە مۋزىكانى كومپوزيتور اباي اباەۆ جازعان بولاتىن.

تۋىندىنى كەلەسى جىلدىڭ باسىندا وتاندىق پروكاتقا شىعارۋ جوسپارلانىپ وتىر.

سوڭعى جاڭالىقتار

ايتىپ كەلگەن اپات

ايماقتار • كەشە

«مىڭ بالا» جەڭىمپازدارى

رۋحانيات • كەشە

اقيقاتتىڭ اي ديدارى – ءباسپاسوز

ەگەمەن قازاقستان • كەشە

ىنتىماقتاستىق ىقپالى

ەكونوميكا • كەشە

جاڭا فورماتتاعى ساۋدا

ەكونوميكا • كەشە

جوتەلگە جەڭىل قاراماڭىز

مەديتسينا • كەشە

بىتىمگەرشىلىك ساردارلارى

قازاقستان • كەشە

جىپ-جىلى جۇرەك بۋىنداي

ادەبيەت • كەشە

داۋىستىڭ دا ءتۇسى بار

ادەبيەت • كەشە

ۇقساس جاڭالىقتار