قىتاي حالىق رەسپۋبليكاسىنىڭ توراعاسى سي تسزينپينگە جولداعان جەدەلحاتىندا قاسىم-جومارت توقاەۆ سىچۋان ولكەسىندە بولعان جەر سىلكىنىسى سالدارىنان كوپتەگەن ازاماتتىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىل العانىن جازدى.
«وسىنداي اۋىر ساتتە قايعى-قاسىرەتتەرىڭىزگە ورتاقتاسىپ, بارشا قازاقستاندىقتاردىڭ جانە جەكە ءوز اتىمنان سىزگە جانە جاقىندارىنان ايىرىلعان وتباسىلارعا, سونداي-اق دوستاس قىتاي حالقىنا قايعىرا كوڭىل ايتامىن. تابيعي اپاتتا جارالانعانداردىڭ تەز ارادا ساۋىعىپ كەتۋىن جانە ءىز-ءتۇسسىز جوعالعانداردىڭ وتباسىلارىنا امان-ەسەن ورالۋىن تىلەيمىن», دەپ جازىلعان پرەزيدەنتتىڭ جەدەلحاتىندا.
