جارمەڭكەدەن – جۇمىسقا

*مۇمكىندىگى شەكتەۋلىلەر مۇمكىندىگى بۇگىندە بوس جۇ­مىس ورىندارى جارمەڭ­كە­سىنىڭ وتكىزىلۋى ءارى ونىڭ ناتيجەسى بويىنشا تۇرعىنداردىڭ جۇمىسقا ورنالاسۋى ەشكىمگە دە تاڭسىق ەمەس. بۇل ءان بۇرىنعى اننەن وزگەرەك دەگەندەي, ورال وڭىرىندە وتكى­زىلگەن بۇل جولعى بوس جۇمىس ورىندارى جارمەڭكەسىنىڭ ەرەكشەلىگى – ول ءمۇم­كىندىگى شەكتەۋلى جاندارعا ارنالدى. بۇل تۇڭعىش شاراعا «نۇر وتان» پار­تي­يا­سى زەلەنوۆ اۋداندىق فيليالى باس­تاماشى بولدى.بۇعان اۋدانداعى مەملە­كەتتىك مەكەمەلەر مەن كاسىپورىندار, اكتسيونەرلىك قوعامدار مەن جاۋاپكەرشىلىگى شەكتەۋلى سەرىكتەستىكتەر وكىلدەرى جانە جەكە كاسىپكەرلەر قاتىستى. ارينە, ماسەلە قۇر, جالاڭ جارمەڭكەنى قىزىقتاۋ ەمەس, ونىڭ تۇپكى ناتيجەسىندە بولسا كەرەك.ماسەلەنىڭ مانىسىنە وسى تۇرعىدان كەلگەندە, وعان قاناعات ەتۋگە بولادى دەپ ەسەپتەيمىز.ناقتىراق ايتقاندا, بوس جۇمىس ورىندارى جارمەڭكەسىنە قاتىسقان مۇمكىندىگى شەكتەۋلى جانداردىڭ بىرقاتارى بىلىمدەرى مەن بىلىكتەرىن جەتىلدىرۋ كۋرستارىنا جولدانعان. سونىمەن بىرگە, ولاردىڭ كەيبىرىنە ءوز كاسىپتەرىن اشۋ تۋرالى پايدالى كەڭەستەر بەرىلگەن. ال ەكىنشى بىرەۋلەرىنە تۇپ-تۋرا سول جارمەڭكەنىڭ ۇستىندە جۇمىستار ۇسىنىلعان. جارمەڭكەدە باعى جانعان وسىنداي زەلەنوۆ اۋدانى تۇرعىندارىنىڭ ءبىرى, ءۇشىنشى توپتاعى مۇگەدەك, بۇرىنعى مەدبيكە – اينۇر قۇ­داباەۆا. ول قايتا دايارلاۋ كۋرسىنان وتكەن سوڭ, اۋداندىق اۋرۋحاناعا ءوز ماماندىعى بوي­ىنشا جۇمىسقا ورنالاساتىن بولىپ شەشىلدى. بۇعان قوسا ايتارىمىز, «نۇر وتان» پارتياسى زەلەنوۆ اۋداندىق فيليالى اپپاراتىندا ءار اپتانىڭ سارسەنبىسى كۇنى وتكىزىلەتىن قوعامدىق قابىلداۋدا مۇگەدەك جانداردىڭ مۇڭ-مۇقتاجدارى مەن ولاردى تولعاندىرعان ماسەلەلەرگە ايرىقشا نازار اۋدارىلىپ كەلەدى.وسىنداي كەشەندى دە قالت­قىسىز كوزقاراستىڭ ارقاسىندا ءجار­مەڭ­كەگە دەيىن دە سەگىز مۇمكىندىگى شەكتەۋلى اۋ­دان تۇرعىنى تۇراقتى جۇمىسقا ورنالاسىپتى. سونىمەن بىرگە, وسى توپقا كىرەتىن ەرىك-جىگەرى جوعارى جاندار الەۋمەتتىك جۇ­مىس ورىندارىنا جولدانعان. سونداي-اق, ۋاقىتشا جۇمىس پەن كاسىبي وقۋ قاتارىن تولىقتىرعان مۇمكىندىگى شەكتەۋلىلەر دە اۋدان اكىمدىگى مەن «نۇر وتان» پارتياسى فيليالىنىڭ قولداۋى مەن كومەگىنە ءدان ريزا.مۇنىڭ سىرتىندا, وتكەن جىلى مۇگەدەكتەردىڭ ءبىر توبى «جۇمىسپەن قامتۋ-2020» باعدارلاماسى بويىنشا قاجەتتى نەسيەگە قول جەتكىزىپ, ءوز كاسىبىن اشۋعا مۇمكىندىك الىپتى. – ەلباسىنىڭ بيىلعى جولداۋىندا ايتىلعان مىندەتتەر مەن تاپسىرمالارعا ساي, مۇمكىندىگى شەكتەۋلى جانداردى جۇمىسقا ورنالاستىرۋ ءۇشىن بارلىق مۇمكىندىكتەر مەن تەتىكتەردى قاراستىرۋ ۇستىندەمىز.ارينە, ولاردىڭ ءبارىن ءبىر ۋاقىتتا تۇراقتى جۇمىسپەن قامتۋ وڭاي ءىس ەمەس.سوندىقتان دا ءبىز بۇل ماسەلەگە ايتىلعان ۇسىنىس-پىكىرلەردى وي ەلەگىنەن وتكىزە كەلىپ, بۇعان ساتىلاپ, ءارى ۇزدىكسىز ءۇردىس تۇرعىسىنان كەلۋدى قولايلى كورىپ وتىرمىز.مۇمكىندىگى شەكتەۋلىلەرگە ارنالعان بوس جۇمىس ورىندارى جارمەڭكەسىن جىلىنا ءتورت رەت وتكىزۋ جونىندە ارنايى شەشىم الىنعانى دا وسىنداي ويلاردان تۋىندادى, دەدى بۇگىنگى تاقىرىپ توڭىرەگىنە وراي زەلەنوۆ اۋدانى اكىمىنىڭ ورىنباسارى گۇلناز قۇلجانوۆا. تەمىر قۇسايىن,   «ەگەمەن قازاقستان». باتىس قازاقستان وبلىسى, زەلەنوۆ اۋدانى.