«اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باتىس جارتىسىندا, سولتۇستىگىندە جانە وڭتۇستىك-شىعىس تاۋلى ايماقتارىندا نايزاعاي ويناپ, جاڭبىر جاۋادى. ەلىمىزدىڭ قالعان بولىگىندە جاۋىن-شاشىنسىز اۋا رايى ساقتالادى. رەسپۋبليكانىڭ باتىسى, سولتۇستىگى, وڭتۇستىگى مەن تاۋلى اۋداندارىندا جەل كۇشەيىپ, وڭتۇستىكتە شاڭدى داۋىل تۇرادى», دەلىنگەن «قازگيدرومەت» رمك حابارلاماسىندا.
جامبىل, قىزىلوردا, تۇركىستان, اقتوبە, الماتى, جەتىسۋ وبلىستارىنىڭ باسىم بولىگىندە, باتىس قازاقستان, اباي, قوستاناي وبلىستارىنىڭ وڭتۇستىگىندە, قاراعاندى, ۇلىتاۋ وبلىستارىنىڭ وڭتۇستىك-شىعىسىندا توتەنشە ءورت قاۋپى ساقتالادى, ال اباي وبلىسىنىڭ شىعىسىندا توتەنشە ءورت قاۋپى كۇتىلەدى. قوستاناي وبلىسىنىڭ باسىم بولىگىندە جوعارى ءورت قاۋپى ساقتالادى.
كۇندىز جەتىسۋ, ۇلىتاۋ, قىزىلوردا وبلىستارىنىڭ باسىم بولىگىندە, قاراعاندى, قوستاناي وبلىستارىنىڭ وڭتۇستىگىندە, الماتى وبلىسىنىڭ سولتۇستىگىندە, وڭتۇستىگىندە, جامبىل وبلىسىنىڭ سولتۇستىگىندە, وڭتۇستىگىندە, باتىسىندا, اقتوبە وبلىسىنىڭ وڭتۇستىگىندە, شىعىسىندا قاتتى ىستىق ساقتالادى.
