سونداي-اق اسقار قۋانىش ۇلى وماروۆ قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى لاۋازىمىنان بوساتىلدى.
اسقار قۋانىش ۇلى وماروۆ 1976 جىلى الماتىدا تۋعان. تۇران ۋنيۆەرسيتەتىن بىتىرگەن.
ماماندىعى بويىنشا بىلىكتىلىگى: حالىقارالىق ەكونوميكالىق قاتىناستار.
ەڭبەك جولىن 1996 جىلى جەكەمەنشىك كومپانيادا تۋريستەردى جونەلتۋ ءبولىمىنىڭ كومەكشىسى بولىپ باستادى.
1997-1998 جج. — «مادەنيەت ماسەلەلەرى جونىندەگى رەسپۋبليكالىق عىلىمي ورتالىقتىڭ» الەۋمەتتىك-ەكونوميكالىق ماسەلەلەر ءبولىمىنىڭ جەتەكشى مامانى.
1998-1999 جج. — «قازاقستاننىڭ شاعىن بيزنەسى» جۋرنالىندا ماركەتينگ جونىندەگى مامان.
2001-2005 جج. — «نوۆوستي نەدەلي» رگ» جشس ءتىلشىسى.
2005-2006 جج. — قازاقستان رترك اق – استانا ترو فيليالى اقپاراتتىق-تالداۋ باعدارلامالارى ديرەكتسياسىنىڭ الماتى بيۋروسىنىڭ باس رەداكتورى.
2007-2010 جج. — جەكە كومپانيالاردا باسشىلىق قىزمەتتەردى اتقاردى.
2011-2013 جج. — «تۇركى اكادەمياسى» كەاق ۆيتسە-پرەزيدەنتى.
2013-2014 جج. — جەكە ۇيىمنىڭ كرەاتيۆتى ديرەكتورى.
2014-2015 جج. — «استانا ەكسپو-2017» ۇك» اق باسقارۋشى ديرەكتورى.
2016-2017 جج. — قوعامدىق قوردىڭ پرەزيدەنتى.
2017-2021 جج. — «قازاقپارات» حاا جشس باس ديرەكتورى.
اسقار قۋانىش ۇلى 2017 جىلدان 2021 جىلدىڭ تامىزىنا دەيىن «قازاقپارات» حالىقارالىق اقپارات اگەنتتىگى» اق باسقارما توراعاسى بولدى .
2021 جىلدىڭ تامىزىنان 2022 جىلدىڭ قاڭتارىنا دەيىن اقپارات جانە قوعامدىق دامۋ ۆيتسە-ءمينيسترى بولىپ جۇمىس ىستەگەن.
2022 جىلى 11 قاڭتاردا اسقار وماروۆ اقپارات جانە قوعامدىق دامۋ ءمينيسترى بولىپ تاعايىندالعان بولاتىن.
