قازالى اۋدانىندا دارياعا تاعى ءبىر كوپىر سالىنادى

استانا. 13 مامىر. قىزىلوردا وبلىسى قازالى اۋدانىنىڭ «قازالى-قوجاباقى-بوزكول-كاۋكەي» اۋداندىق ماڭىزداعى اۆتوموبيل جولىنىڭ 73 شاقىرىمىندا ورنالاسقان تەمىر كونسترۋكتسيالاردان قۇراستىرىلعان كوپىردىڭ توزىعى جەتۋىنە بايلانىستى قايتا جاڭعىرتۋدان وتكىزىلەتىن بولدى. بۇل تۋرالى قازالى اۋداندىق اكىمدىگىنىڭ ءباسپاسوز قىزمەتى حابارلادى. وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى مارات بايىمبەتوۆ اۋدانعا ارنايى كەلىپ, جالپى 412 وتباسى, 2352 تۇرعىنى بار قىزىلقۇم اۋىلدىق وكرۋگىمەن بايلانىستىراتىن اتالمىش كوپىردىڭ جاي-كۇيىمەن تانىستى. كوپىردىڭ ماڭىزدىلىعىنان حاباردار بولعان وبلىس اكىمى قىرىمبەك كوشەرباەۆ وبلىستىڭ جەرگىلىكتى اتقارۋشى ورگانىنىڭ رەزەرۆىنەن «قازالى-قوجاباقى-بوزكول-كاۋكەي» اۆتوموبيل جولىنىڭ 73 شاقىرىمىنداعى كوپىردى قايتا جاڭعىرتۋ قۇرىلىسىنا 45 ملن. تەڭگە  ءبولىندى. قازىرگى تاڭدا كەلىسىم-شارت جاساۋ جۇمىستارى جۇرگىزىلۋدە. قۇرىلىس-مونتاج جۇمىستارى مامىر ايىنىڭ 2-ونكۇندىگىندە باستالادى. ايتا كەتۋ كەرەك, بۇل كوپىر اعىمداعى جىلدىڭ 21 ءساۋىر ساعات 18.00 شاماسىندا قىزىلقۇم اۋىلدىق وكرۋگى كاۋكەي اۋىلىنىڭ باتىس بەتكەيىندەگى تەمىردەن جاسالعان كوپىر قۇلاعان بولاتىن. كوپىردىڭ ۇزىندىعى – 12 م, ەنى – 5 م. ول اۋىل ورتالىعىنان 3 كم قاشىقتا ورنالاسقان. كوپىردىڭ ەكىنشى باسىنا قويىلعان تەمىربەتون بلوگتىڭ (سپ-50 سم) استىن سۋ شايۋىنان, تەمىر-بەتون بلوگى قۇلاپ, كوپىر جولدىڭ دەڭگەيىنەن 1 مەترگە تومەنگە ءتۇسىپ كەتكەن. قازىرگى ۋاقىتتا ىلديلانعان جەرگە توپىراق تاستاپ, جەڭىل اۆتوكولىكتەر جۇرگىزىلۋدە. اۋىر اۆتوكولىكتەردىڭ جۇرۋىنە قاۋىپتى. اتالعان كوپىر كاۋكەي, تاسارىق, لاقالى, وتگون ەلدى مەكەندەرىن اۋدان ورتالىعىمەن  بايلانىستىراتىن بىردەن-ءبىر وتكەل بولىپ وتىر. مۇرات ايتقوجا. دەرەككوز: قازالى اۋداندىق اكىمدىگىنىڭ ءباسپاسوز قىزمەتى. فوتو: silkadv.com.