قىزىلوردا تەمىرجول ۆوكزالىنا جانقوجا باتىر ەسكەرتكىشى قويىلادى

استانا. 13 ءساۋىر. قىزىلوردا تەمىرجول ۆوكزالى سىرتىنداعى سكۆەرگە حالىق باتىرى جانقوجانىڭ ەسكەرتكىشى قويىلادى. بۇل تۋرالى قىزىلوردا وبلىسى قازالى اۋدانى اكىمدىگىنىڭ ءباسپاسوز قىزمەتكەرى بالگۇل مامەن حابارلادى. اتالمىش شارا بيىل جانقوجا نۇرمۇحاممەد ۇلىنىڭ تۋعانىنا 240 تولۋىنا بايلانىستى جاسالىپ وتىر. ول 2012 جىلعى 1 تامىزدا وبلىستىق جاڭا ەسكەرتكىشتەردى ورناتۋدى رەتتەۋ جانە تاريحي-مادەني مۇرا نىساندارىن, تاريح جانە مادەنيەت ەسكەرتكىشتەرى دەپ تانۋ, سونداي-اق ولاردى مارتەبەسىنەن ايىرۋ تۋرالى قورىتىندى ازىرلەيتىن وبلىستىق كوميسسيا وتىرىسىندا قابىلدانعان شەشىمگە ساي جاسالادى. وتىرىستا جانقوجا نۇرمۇحاممەد ۇلى ەسكەرتكىشىنىڭ كونكۋرسىنا 4 ەسكيزدىك جوباسى قارالىپ,  مەملەكەتتىك كوميسسيانىڭ قاراۋىنا ۇسىنىلعان بولاتىن. الايدا, مەملەكەتتىك كوميسسيا ەسكەرتكىش ورناتۋعا قاجەتتى قارجى ماسەلەسى مەن جەر تەلىمى تولىق شەشىلمەگەندىكتەن, جوبانى كوميسسياعا قايتا ۇسىنۋ تاپسىرىلدى. وسىعان بايلانىستى ءتيىستى جۇمىستار جۇرگىزىلىپ,سمەتالىق-جوبالاۋ قۇجاتى بويىنشا 59,7 ملن. تەڭگە قارجىسى «وبلىستىق تاريحي-مادەني ەسكەرتكىشتەردى قورعاۋ جونىندەگى» مەملەكەتتىك مەكەمەسىنە وبلىستىق بيۋدجەتتەن ءبولىندى. ەسكەرتكىشتى ورناتۋ ءۇشىن قىزىلوردا قالاسىنداعى جىبەك جولى مەن امانگەلدى كوشەلەرىنىڭ قيىلىسىنا قالا اكىمىنىڭ شەشىمى شىعارىلىپ, مەملەكەتتىك كوميسسيا وتىرىسىنا قايتا ۇسىنىلدى. مەملەكەتتىك كوميسسيانىڭ 2014 جىلعى 9 ساۋىردەگى حاتتامالىق قورىتىندىسىنا سايكەس ءمۇسىنشى ج.يسماعۇلوۆتىڭ  ەسكيزدىك جوباسىن ەڭ ۇزدىك دەپ تانىلدى. مەملەكەتتىك كوميسسيا وتىرىسىندا جانقوجا باتىر ەسكەرتكىشىنىڭ ەسكيزدىك جوباسى قايتا قارالىپ,  اۆتورى ا.كەنەنباەۆتىڭ «حالىق باتىرى» اتتى ات ۇستىندەگى جوباسى قابىلداندى.  بۇل ەسكەرتكىش قىزىلوردا قالاسىنىڭ ورتالىق ۆوكزال الاڭىنا قويىلاتىن بولىپ وتىر. ساكەن مايلىباي. دەرەككوز: قازالى اۋداندىق اكىمدىگىنىڭ ءباسپاسوز قىزمەتى. فوتو: قازالى اۋداندىق اكىمدىگىنىڭ ءباسپاسوز قىزمەتى.