«پارلامەنت ءماجىلىسىنىڭ دەپۋتاتى اندرەي گريگورەۆيچ ليننيك دەپۋتاتتىق وكىلەتتىگىن مەرزىمىنەن بۇرىن توقتاتۋ تۋرالى ءوتىنىش بەرگەن. وسىعان بايلانىستى قازاقستاننىڭ ورتالىق سايلاۋ كوميسسياسى قر كونستيتۋتسياسىنىڭ 52-بابىنا جانە «پارلامەنت جانە ونىڭ دەپۋتاتتارىنىڭ مارتەبەسى تۋرالى» قر كونستيتۋتسيالىق زاڭىنىڭ 24-بابىنىڭ 3 جانە 8-تارماقتارىنا سايكەس دەپۋتاتتىڭ وكىلەتتىگىن مەرزىمىنەن بۇرىن توقتاتۋ تۋرالى ماسەلەنى شەشۋ ءۇشىن ۇسىنىس ەنگىزدى», دەدى كوميسسيا مۇشەسى شاۆحات وتەمىسوۆ.
وتىرىسقا 99 دەپۋتات قاتىستى, بارلىعى بۇل شەشىمدى ءبىر اۋىزدان ماقۇلدادى.
اندرەي ليننيككە دەپۋتاتتىق كورپۋستىڭ العىس حاتى تابىس ەتىلدى.
اندرەي ليننيك 1974 جىلى 22 ناۋرىزدا جامبىل وبلىسى نوۆو-ۆوسكرەسەنوۆكا اۋىلىندا دۇنيەگە كەلگەن.
«سالىق قۇقىعى, سالىقتىق تەرگەۋ» ماماندىعى بويىنشا قازاق مەملەكەتتىك باسقارۋ اكادەمياسىن, سونداي-اق «مەنەدجمەنت» ماماندىعى بويىنشا حالىقارالىق بيزنەس اكادەمياسىن جانە الماتى مەنەدجمەنت ۋنيۆەرسيتەتىن «ىسكەرلىك اكىمشىلىك ەتۋ» ماماندىعى بويىنشا تامامداعان.
ەڭبەك ءوتىلى:
جەكە كاسىپكەر (1993-2003);
«المالىباق» اكك توراعاسىنىڭ ورىنباسارى, الماتى ق. (2004-2009);
«گازپروم نەفت-كازاحستان» جشس ديرەكتورىنىڭ ورىنباسارى, الماتى ق. (2009-2012);
«فورپوست - ينۆەستيتسي ي رازۆيتيە» جشس باس ديرەكتورىنىڭ ورىنباسارى, استانا ق. (2012-2014);
«فورپوست - ينۆەستيتسي ي رازۆيتيە» جشس باس ديرەكتورى, استانا ق. (2014-2018);
«ASPARA MUNAY» جشس باس ديرەكتورى, الماتى ق. (2018-2021)
سايلانبالى قىزمەتتەرى, دەپۋتاتتىق:
«اق جول» دپ قر پارلامەنتى ءماجىلىسىنىڭ دەپۋتاتتىعىنا كانديدات (05.02.2016, 04.12.2020),
قازاقستان رەسپۋبليكاسى پارلامەنتى ءماجىلىسىنىڭ VII شاقىرىلىمىنىڭ دەپۋتاتى,
قازاقستان رەسپۋبليكاسى پارلامەنتى ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى (14.01.2021-07.09.2022)
