ەلوردا • 19 تامىز، 2022

جىل باسىنان بەرى ەلوردادا 456 ءورت تىركەلدى

40 رەت كورسەتىلدى

نۇر-سۇلتان قالاسى مەملەكەتتىك ءورت باقىلاۋ باسقارماسىنىڭ باستىعى ەركىن وتارعالىم ۇلى جىل باسىنان بەرى ەلوردا اۋماعىندا 456 ءورت تىركەلگەنىن ايتتى، دەپ حابارلايدى Egemen.kz.

«جىل باسىنان بەرى قالا اۋماعىندا 456 ءورت فاكتىسى تىركەلدى. ونىڭ ىشىندە 150-ءى جەكە تۇرعىن ءۇي سەكتورىندا. ورتتەردەن 10 ادام قۇتقارىلىپ، 26-سى قاۋىپسىز اۋماققا كوشىرىلدى. ستاتيستيكاعا سايكەس، ورتتەردىڭ ايتارلىقتاي بولىگى جەكە سەكتولاردا بولادى. سوندىقتان قالالىق قۇزىرلى ورگان جىلىتۋ ماۋسىمى باستالار الدىندا ءورت قاۋىپسىزدىگى ايلىعىن وتكىزەدى. بيىل بۇل شارالار 15 تامىزدا باستالدى»، دەدى ەركىن وتارعالىم ۇلى.

ونىڭ ايتۋىنشا، ءورت قاۋىپسىزدىگىن تەكسەرۋ ءۇش كەزەڭ بويىنشا جۇزەگە اسىرىلادى. الدىمەن الەۋمەتتىك وسال توپقا جاتاتىن ازاماتتاردىڭ باسپانالارى تەكسەرىلەدى. ەلوردادا وسىنداي ساناتتاعى 1 240 وتباسى بار. كەلەسى كەزەكتە قالا اۋماعىندا تىركەلگەن 10 مىڭعا جۋىق ساياجايلارعا قاۋىپسىزدىك شارالارى تۇسىندىرىلەدى. ودان كەيىن عانا قالادا ورنالاسقان بارلىق تۇرعىن ۇيلەردى ارالاپ، وقىس وقيعالاردىڭ الدىن الۋعا باعىتتالعان ۇگىت-ناسيحات جۇمىستارى جۇرگىزىلەدى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار