قوعام • 18 تامىز، 2022

ەلىمىزدە «التىن ساقا» بالالار ادەبيەتى شىعارمالارىنىڭ بايقاۋى وتەدى

110 رەت كورسەتىلدى

«قازاقستاندىق قوعامدىق دامۋ ينستيتۋتى» كەاق جانە «قازاقستان جازۋشىلار وداعى» رقب «2022 جىل – بالالار جىلى» اياسىندا قر اقپارات جانە قوعامدىق دامۋ مينيسترلىگىنىڭ قولداۋىمەن «التىن ساقا» بالالار ادەبيەتى شىعارمالارىنىڭ رەسپۋبليكالىق بايقاۋىن ۇيىمداستىرادى، دەپ حابارلايدى Egemen.kz.

بايقاۋعا قاتىسۋشىلار: قازاق ادەبيەتىنە وزىندىك ۇلەس قوسۋدى ماقسات ەتكەن 18-35 جاس ارالىعىنداعى قالامگەرلەر. سونداي-اق ولار ەركىن تاقىرىپتا پروزا جانرىندا ەرتەگىلەر جانە شاعىن اڭگىمەلەر باعىتى بويىنشا باق سىنايدى.

بايقاۋدىڭ مەرزىمدەرى:

- بايقاۋعا قاتىسۋشى ۇمىتكەرلەر وزدەرىنىڭ شىعارمالارىن altyn.saqa01@gmail.com، altyn.saqa01@mail.ru، balalarbaikaui@gmail.com ەلەكتروندى پوشتالارىنا 2022 جىلعى 19 تامىزعا دەيىن (قوسا العاندا) جەكە مالىمەتتەردى تولتىرىپ (1-قوسىمشا) جولداۋى قاجەت;

- بايقاۋ شىعارمالارى – 2022 جىلعى 31 تامىزعا دەيىن ­قازىلار القاسىنىڭ ساراپتاماسىنان وتەدى;

- بايقاۋ قورىتىندىسى – 2022 جىلعى قىركۇيەك ايىندا جاريالانادى;

- بايقاۋ قورىتىندىسى بويىنشا 2 باعىتتا جيناقتالعان بارلىق شىعارمالار ىرىكتەلىپ، جيناق رەتىندە 2022 جىلعى قاراشا ايىندا باسىلىپ شىعادى.

جەڭىمپازدار ەكى باعىت بويىنشا ءى، ءىى، ءىىى جۇلدەلى ورىندار مەن ىنتالاندىرۋ سىيلىعىمەن ماراپاتتالادى. ماراپاتتاۋ ءراسىمى 2022 جىلعى قىركۇيەك-قازان ايلارىندا وتەدى.

 

 

سوڭعى جاڭالىقتار

ۇقساس جاڭالىقتار