اۋا رايى • 18 تامىز، 2022

ەلىمىزدىڭ بىرنەشە وڭىرىندە ۇسىك جۇرەدى

43 رەت كورسەتىلدى

«قازگيدرومەت» رمك تامىزدىڭ 18-ءى كۇنگى كۇن رايى بولجامىن جاريالادى، دەپ حابارلايدى Egemen.kz.

كاسىپورىن بولجامىنا قاراعاندا، اۋقىمدى سولتۇستىك باتىس انتيتسيكلونىنىڭ اسەرىنەن قازاقستاننىڭ باسىم بولىگىندە كۇن جاۋىن-شاشىنسىز بولادى. سونىمەن قاتار تەمپەراتۋرالىق فون اقىرىنداپ تومەندەي بەرەدى. فرونتالدى بولىكتەرگە بايلانىستى رەسپۋبليكامىزدىڭ سولتۇستىگىندە، شىعىسىندا، ورتالىعىندا جاڭبىر جاۋىپ، نايزاعاي وينايدى. رەسپۋبليكا بويىنشا كەي جەرلەردە جەل كۇشەيىپ، ەلىمىزدىڭ سولتۇستىگىندە، سولتۇستىك-باتىسىندا، شىعىسىندا تۇنگى ۋاقىتتا تۇمان تۇسەدى، تۇندە رەسپۋبليكانىڭ سولتۇستىگىندە، شىعىسىندا توپىراق بەتىندە 2 گرادۋسقا دەيىن ۇسىك جۇرەدى.

كۇندىز ماڭعىستاۋ وبلىسىنىڭ باسىم بولىگىندە، باتىس قازاقستان وبلىسىنىڭ وڭتۇستىگىندە، اتىراۋ وبلىسىنىڭ شىعىسىندا قاتتى ىستىق بولادى.

قىزىلوردا وبلىسىنىڭ وڭتۇستىگىندە، تۇركىستان وبلىسىنىڭ شىعىسىندا، اتىراۋ وبلىسىنىڭ باتىسىندا، باتىس قازاقستان، ماڭعىستاۋ، جەتىسۋ وبلىستارىنىڭ وڭتۇستىگىندە، الماتى وبلىسىنىڭ شىعىسىندا، جامبىل وبلىسىنىڭ وڭتۇستىگىندە، باتىسىندا، اباي وبلىسىنىڭ بەسقاراعاي اۋدانىندا توتەنشە ءورت قاۋپى ساقتالادى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار