وبلىس اكىمى ءباسپاسوز قىزمەتىنىڭ مالىمەتىنشە, بۇل لاۋازىمعا وسىعان دەيىن ەرتىس اۋدانىنىڭ اكىمى بولعان ايان بەيسەكين تاعايىندالدى. ءوڭىر باسشىسى ابىلقايىر سقاقوۆ قالا اكىمى الدىندا تۇرعان باستى مىندەتتەردى ايقىنداپ بەردى.
پاۆلودار وبلىسىنىڭ تۋماسى ايان بەيسەكين ءوزى تۋعان ەرتىس اۋدانىن 2019 جىلدان بەرى باسقارعان. وعان دەيىن پاۆلودار قالاسى جانە جەلەزين اۋدانى اكىمىنىڭ ورىنباسارى بولدى. 2015 جىلدان 2017 جىلعا دەيىن بەيسەكين الماتى كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى قىزمەتىن اتقارعان. مەگاپوليسكە دەيىن سولتۇستىك قازاقستان وبلىسى اكىمدىگى, مەملەكەتتىك قىزمەت جونىندەگى اگەنتتىك جۇيەسى مەن جەكە مەنشىك سەكتوردا جۇمىس ىستەگەن.
ايان بەيسەكين – پرەزيدەنتتىك جاستار كادرلىق رەزەرۆىنىڭ مۇشەسى, «بولاشاق» باعدارلاماسىنىڭ تۇلەگى. 2008 جىلى ل.ن. گۋميلەۆ اتىنداعى ەۇۋ مەملەكەتتىك جەرگىلىكتى باسقارۋ ماماندىعى بويىنشا ءتامامداپ, 2013 جىلى م.ۆ. لومونوسوۆ اتىنداعى ممۋ مەملەكەتتىك اكىمگەرلىك ماگيسترى اتاعىنا يە بولدى.
