ۇلتتىق سپورت • 16 تامىز، 2022

جىگىتتەرمەن كۇش سىناسقان ارۋ

57 رەت كورسەتىلدى

جۋىردا ارىس قالاسىندا ۇلتتىق سپورت تۇرلەرىنەن جارىس ءوتتى. قالالىق ىشكى ساياسات بولىمىنە قاراستى «جاستار رەسۋرس­تىق ورتالىعى» كمم جارىستى قالا كۇنى مەرەكەسىنە وراي ۇيىمداستىرىپتى.

بۇگىندە بۇل جارىس تۋرالى اڭگىمە كوپ. نەگىزى جاستار اراسىنداعى دودانى تاماشالاعان جۇرت اقنۇر ەسىمدى ارۋدىڭ ارەكەتىنە ءتانتى. ۇلتتىق سالت-داستۇرلەرىمىز دارىپتەلىپ، سالاماتتى ءومىر سالتى ناسيحاتتال­عان شارادا ارىستىقتارمەن بىرگە شىمكەنت قالاسى، قازىعۇرت جانە ورداباسى اۋدانىنىڭ جاستارى قاتىسىپ، ارقان تارتۋ، قول كۇرەس، قوشقار كوتەرۋ، گىر تاسىن كوتەرۋدەن باق سىناسقان.

جينالعان جۇرتتى قىزىقتىر­عانى «قوشقار كوتەرۋ» سايىسى بولدى. قاتىسۋشىلار اراسىندا ءوزىنىڭ مىقتىلىعىن دالەلدەپ، سالماعى 43 كيلو بولاتىن قوشقاردى 1 111 رەت كوتەرگەن ازامات ماقۇل­بەكوۆ باس جۇل­دەنى يەلەندى. ال قوش­قار­دى 160 رەت كوتەرگەن ءماجيت ارحات ەكىن­شى ورىنعا، 150 رەت كو­تەر­­گەن دانيار ايتبەك ءۇشىن­شى ورىنعا يە بولدى. جارىس جەڭىم­پازى ازامات ماقۇلبەكوۆكە ءوزى كوتەرگەن قوشقار بەرىلسە، قالعان جۇلدەگەرلەر مەن قاتىسۋشىلارعا ۇيىمداستىرۋشىلاردىڭ باعالى سىيلىقتارى تابىس ەتىلدى.

ەرلەردەن سوڭ قوشقار كوتەرۋ كەزەگىن العان ارىستىق اقنۇر ەسىم­دى ارۋ ءتىپتى بىرقاتار جىگىتتى شاڭ قاپ­تىرىپ، قوشقاردى 64 رەت كوتەردى. كوپشىلىكتى تاڭعالدىرعان اقنۇر ادىلگە دە ارنايى سىيلىق تابىس ەتىلدى.

جارىس قورىتىندىسى بويىنشا جۇلدەلى ورىن العاندار ارنايى العىس حاتپەن ماراپاتتالىپ، تۇر­مىس­تىق تەحنيكالار سىيعا تارتىلدى. سونداي-اق ارىس قالاسىنىڭ ور­كەندەپ دامۋىنا، جاستاردىڭ پات­ريوت­تىق رۋحىن كوتەرىپ، سالاماتتى ءومىر سالتىن ۇستانۋدا دەمەۋشىلىك تانىتىپ جۇرگەن ازاماتتارعا دا العىس حاتتار مەن باعالى سىيلىقتار تابىس ەتىلدى.

 

تۇركىستان وبلىسى

سوڭعى جاڭالىقتار

ۇقساس جاڭالىقتار