ءبىلىم • 15 تامىز، 2022

تامىز ايىنداعى ۇبت اياقتالدى

43 رەت كورسەتىلدى

تامىز ايىنداعى ۇلتتىق بىرىڭعاي تەستىلەۋگە 19 مىڭعا جۋىق تالاپكەر قاتىستى، دەپ حابارلايدى Egemen.kz قر عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنە سىلتەمە جاساپ.

19 مىڭعا جۋىق تۇلەكتىڭ 69%-ى قازاق تىلىندە، 31%-عا جۋىعى ورىس تىلىندە، 0،1%-ى اعىلشىن تىلىندە تەستىلەۋدەن ءوتتى.

ايتا كەتسەك، تامىزداعى ۇبت سەرتيفيكاتىمەن تالاپكەرلەر جوعارى وقۋ ورىندارىنا اقىلى نەگىزدە عانا تۇسە الادى.

تەستىلەۋ قورىتىندىسى بويىنشا 10 مىڭ تالاپكەر شەكتى بالل جيناي الدى، بۇل – قاتىسۋشىلاردىڭ جالپى سانىنىڭ شامامەن 54%-ىن قۇرايدى. ۇبت ورتاشا بالى 58 بالدى قۇرادى. ەڭ جوعارى بالل – 128.

ۇبت وتكىزۋ بارىسىندا 118 قاتىسۋشىنىڭ ناتيجەسى جويىلدى. ونىڭ ىشىندە 39 ازامات سمارتفون، شپارگالكا جانە باسقا دا تىيىم سالىنعان زاتتاردى الىپ وتۋگە تىرىسقانى ءۇشىن تەست تاپسىرۋ مۇمكىندىگىنەن ايىرىلدى. قالعان 79 ادام تەستىلەۋ كەزىندە ەرەجەلەردى بۇزىپ، اۋديتوريادان شىعارىلعان. ولاردىڭ دا تەست ناتيجەسى جويىلدى.

«تالاپكەرلەردىڭ تاڭداۋى وزگەرىسسىز قالىپ تۇر. بارلىق قاتىسۋشىلاردىڭ 21%-ى «ماتەماتيكا-فيزيكا» كومبيناتسياسىن، 20%-ى «حيميا-بيولوگيا» كومبيناتسياسىن تاڭداعان. «حيميا-فيزيكا» پاندەر كومبيناتسياسىن تەك 39 تالاپكەر تاپسىردى»، دەدى قر عجب ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ.

ەسكە سالا كەتسەك، تەستىلەۋ قورىتىندىسىمەن كەلىسپەگەن تالاپكەر اپەللياتسياعا ەلەكتروندى تۇردە ءوتىنىش بەرە الادى. تامىزدا ۇبت تاپسىرعانداردان اپەللياتسياعا 2 مىڭنان استام ءوتىنىش تۇسكەن. ولاردىڭ ىشىندە 2 تەست تاپسىرماسى قاناعاتتاندىرىلدى. رەسپۋبليكالىق اپەللياتسيالىق كوميسسيا جۇمىسىن اياقتادى، تالاپكەرلەردىڭ سەرتيفيكاتتارى جەكە كابينەتتە قولجەتىمدى.

تامىز ايىنداعى ۇبت شەكتى بالل جيناي الماعان تالاپكەرلەردىڭ تەستىلەۋدەن قايتا ءوتىپ، جوو-عا اقىلى نەگىزدە ءتۇسۋ مۇمكىندىگى بولۋى ءۇشىن وتكىزىلەدى. سونىمەن قاتار جوو-دا اقىلى نەگىزدە ءوز ماماندىعى بويىنشا وقۋدى جالعاستىرۋدى جوسپارلاپ وتىرعان كوللەدج تۇلەكتەرى وقۋعا اڭگىمەلەسۋ قورىتىندىسى بويىنشا قابىلدانادى.

سوڭعى جاڭالىقتار

جاپونيادا جەر سىلكىندى

الەم • بۇگىن، 10:22

ۇقساس جاڭالىقتار