ۇكىمەت • 11 تامىز، 2022

ءاليحان سمايىلوۆ ABG كومپانياسىنىڭ باس ديرەكتورىمەن كەزدەستى

24 رەت كورسەتىلدى

قر پرەمەر-ءمينيسترى ءاليحان سمايىلوۆ Al Badie Group for Trading and Investment (ABG) كومپانياسىنىڭ باس ديرەكتورى حالەد موحامەد ال باديمەن كەزدەسۋ وتكىزدى، دەپ حابارلايدى Egemen.kz.

كەزدەسۋ بارىسىندا اۆتوموبيل جولدارىن سالۋ سالاسىنداعى ىنتىماقتاستىق ماسەلەلەرى قارالدى.

ABG كومپانياسى ەلىمىزدەگى ءىرى اۆتوجول جوبالارىن، سونىڭ ىشىندە رەسپۋبليكالىق ماڭىزى بار جولداردى جاڭعىرتۋدى قارجىلاندىرىپ، ولاردى جۇزەگە اسىرۋعا نيەت ءبىلدىردى.

پرەمەر-مينيستر بۇگىندە اراب ينۆەستورلارىنىڭ قازاقستانعا دەگەن قىزىعۋشىلىعىنىڭ ارتىپ كەلە جاتقانىن اتاپ ءوتتى. ۇكىمەت باسشىسىنىڭ ايتۋىنشا، بۇعان تاياۋدا مەملەكەت باسشىسىنىڭ ءباا-گە ساپارى ىقپال ەتتى.

ء«بىز شەتەلدىك سەرىكتەستەردىڭ ءاربىر ۇسىنىسىن جوعارى باعالايمىز، سونداي-اق ينۆەستيتسيالاردى قورعاۋ جانە قولايلى ىسكەرلىك احۋالدى قامتاماسىز ەتۋ بويىنشا بارلىق مىندەتتەمەلەرىمىزدى ورىندايمىز»، دەدى ءاليحان سمايىلوۆ.

ءوز كەزەگىندە حالەد موحاممەد ال ابادي ABG كومپانياسىنىڭ الەمنىڭ كوپتەگەن ەلدەرىندە ءىرى ينفراقۇرىلىمدىق جوبالاردى تابىستى ىسكە اسىرۋدا تاجىريبەسى بار ەكەنىن ايتتى.

«ەكى ەل باسشىلارىنىڭ بەلسەندى ءوزارا ءىس-قيمىلى، سونداي-اق ەكىجاقتى قارىم-قاتىناستاردىڭ قارقىندى دامۋى ءبىزدىڭ قازاقستانعا كەلۋىمىزگە سەبەپ بولدى. ءبىز اۆتوجول جوبالارىن ىسكە اسىرۋدى ينۆەستيتسيالاۋعا مۇددەلىمىز، سوندىقتان قازاقستان ۇكىمەتىمەن تىعىز ىنتىماقتاستىقتا جۇمىس ىستەگىمىز كەلەدى»، دەدى حالەد موحامەد ال بادي.

كەزدەسۋ قورىتىندىسى بويىنشا پرەمەر-مينيستر كومپانيانىڭ ۇسىنىستارىن ءتيىستى مەملەكەتتىك ورگانداردىڭ مۇقيات زەردەلەپ، پىسىقتايتىنىن ايتتى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار