اۋا رايى • 11 تامىز، 2022

ەرتەڭ ەلىمىزدىڭ باسىم بولىگىندە جاڭبىر جاۋادى

29 رەت كورسەتىلدى

سينوپتيكتەر 2022 جىلدىڭ 12 تامىزىنا ارنالعان اۋا رايى بولجامىن ۇسىندى. ەلىمىزدىڭ باسىم بولىگىندە جاڭبىر جاۋادى، دەپ حابارلايدى Egemen.kz.

«سولتۇستىكتە، شىعىستا، وڭتۇستىك-شىعىستىڭ تاۋلى اۋداندارىندا قاتتى جاڭبىر جاۋىپ، نايزاعاي، ەكپىندى جەل، بۇرشاق، وڭتۇستىكتە داۋىل سوعادى. ەلىمىزدىڭ باتىسىندا عانا جاۋىن-شاشىنسىز اۋا رايى كۇتىلەدى. رەسپۋبليكا بويىنشا كەي جەرلەردە تۇمان كۇتىلەدى. وبلىستىڭ وڭتۇستىك-باتىسىندا شاڭدى داۋىل تۇرادى»، دەلىنگەن «قازگيدرومەت» رمك حابارلاماسىندا. 

پاۆلودار وبلىسىنىڭ وڭتۇستىگىندە، كۇندىز شىعىس قازاقستان وبلىسىنىڭ سولتۇستىگىندە، شىعىسىندا، كۇندىز اباي وبلىسىنىڭ سولتۇستىگىندە قاتتى جاڭبىر جاۋادى.

كۇندىز اتىراۋ وبلىسىندا، باتىس قازاقستان وبلىسىندا، اقتوبە وبلىسىندا قاتتى ىستىق كۇتىلەدى.

«قىزىلوردا وبلىسىنىڭ باسىم بولىگىندە، تۇركىستان وبلىسىنىڭ وڭتۇستىگىندە، شىعىسىندا، اباي وبلىسىنىڭ بەسقاراعاي اۋدانىندا توتەنشە ءورت قاۋپى كۇتىلەدى»، دەدى سينوپتيكتەر.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار