«باقىت – كوپقىرلى ۇعىم» – دەيدى جاس ءانشى داريا عابدۋلل

ءان كوپ, ءانشى كوپ. ءانشى جاساپ شىعارۋشىلار كوپ. ەلىمىزدە وسىدان بىرنەشە جىل بۇرىن باستالعان «سۋپەرستار», «ح-فاكتور» مۋزى­كالىق بايقاۋلارى ورىنداۋشى­لاردىڭ تۇتاس ءبىر تولقىنىن ساحناعا شىعارعانى ەستە. تابيعي دارىنى بار تاستى جارىپ شىقتى, جوعى ورتا جولدان قايتتى. سولار­دىڭ ءبىرى – «ح-فاكتور» مۋزى­كالىق بايقاۋىنىڭ العاشقى جەڭىم­پازى, مارەدە مارقۇم ءمادينا ەراليەۆانىڭ ورىن­­­داۋىنداعى ادەمى ءان «ايقارا­كوزدى» مولدىرەتە ورىنداۋىمەن ەستە قالعان داريا عابدۋلل. داريا مۋزىكالىق ونەر باكالاۆرى ماماندىعىنىڭ ۇزدىگى. جۋىردا جاس انشىگە ءوزىمىزدى قىزىقتىرعان ساۋالداردى قويعان ەدىك. – داريا, سەنى العاشقى «ح-فاكتور» جەڭىمپازى رە­تىندە تاني­مىز. جوبادان كەيىن­گى شىعارما­شىلىعىڭ قا­لاي ءوربىدى؟ «Sony Music» كوم­­پا­­نيا­سىمەن ارادا جاسال­عان كە­لىسىمشارت ساعان قانداي ءمۇم­كىن­دىكتەرگە جول اشتى؟ – «ح-فاكتور» مۋزىكالىق بايقاۋى­نىڭ شارتى بويىنشا بايقاۋ جەڭىمپازى «Sony Music» حالىقارالىق دىبىس جازۋ كومپا­نياسىمەن كەلىسمشارتقا وتى­رۋ قۇقىن الاتىنى الدىن الا جا­ريالانعان بولاتىن. بۇل – اتاقتى بەيونسە, ۋيتني حيۋستون, دجوردج مايكل, كريستينا اگيلەرا, شاكيرا, بريتني سپيرس, لەونا ليۋيس سەكىلدى ورىنداۋشىلار ءوز كومپوزيتسيالارىن جازۋعا كەلىسىمشارتقا وتىرعان بيىك تالعامدى, جوعارى ساپالى دىبىس جازۋ كومپانيا­سى. مەنىمەن ارادا جاسالعان كەلىسىمشارت ولاردىڭ ورتالىق ازيا ايماعى مەن قازاقستان اتىنان شىعاتىن العاشقى ورىنداۋ­شىمەن ءبىرىنشى رەت جاساپ وتىرعان كەلىسىمشارتى ەكەن. بۇل مەنىڭ ءومىرىم­دەگى ەڭ العاشقى كەلىسىمشارت بولدى. سوندىقتان سول ساتتە مەنىڭ جان ءدۇ­نيەمدە نە بولىپ جاتقانىن سوزبەن اي­تىپ جەتكىزۋ مۇمكىن ەمەس ەدى. ەكى جىل­عا سوزىلعان ءبىزدىڭ ارىپتەستىگىمىز جە­مىستى – «An affair» («سۇيەمىن»), «More» («ءبارى مەنىڭ قولىمدا»), «Take my love» («ءبىز بولىنبەيتىن جاندار­مىز») سە­كىلدى ءۇش ءاننىڭ تۇساۋى كەسىل­دى. العاشقى انگە پولشادا كليپ ءتۇسىر­دىك. جاقسى جاندارمەن تانىستىم. ماق­ساتىم كوپ. ويلاستىرعان جوبالارىم دا بار. – «ح-فاكتور» مۋزىكالىق بايقاۋى ومىرىڭە قانشالىقتى وزگەرىس اكەلدى؟ – مۋزىكالىق بايقاۋ ءوزىم بالا جاستان ارمانداعان ۇلكەن ساحناعا جول اشتى. كوپتەگەن دوستار, جاسى ۇلكەن ارىپتەستەر تاپتىم, جاقسى ادامدارمەن تانىستىم. ءيا, الماتى قالاسى مەنىڭ ارماندارىما قول جەتكىزۋگە مۇمكىندىك بەردى. ۇلكەن سارايلاردا ءان شىرقادىم. «ح-فاكتور» جوباسى ساحنا قاسيەتىن ۇقتىردى. – ءوزىڭ قاتىسقان «سلاۆيان بازارى» جوباسى قالاي ءوتتى؟ جەڭىمپازدار قاتارىنان كورىنۋ ماقساتىڭ ورىندالدى ما؟ –  «سلاۆيان بازارى» ومىرىمدەگى «ح-فاكتور» مۋزىكالىق جوباسىنان كەيىنگى ەكىنشى باسپالداق بولدى. بۇل – بەلگىلى, جوعارى دەڭگەيدەگى حا­لىقارالىق كونكۋرس. وسىنىڭ بارلى­عىن ءوز كوزىممەن كورىپ, ءتۇسىنۋ باقىتى بۇيىردى. ءار ەلدەن كەلگەن, جەڭىمپاز بولعىسى كەلەتىن 20 مىقتى ءانشىنىڭ ىشىنەن الدىڭعى ورىندا كورىندىم. بۇدان دا جوعارى باعاعا قولىم جەتۋشى ەدى, تەك مەن جىبەرگەن قاتەلىكتەرىمدى ءتۇسىندىم. وسى جەردە بۇرىنعى ۇستازىم ا.شەۆچەنكونىڭ ءسوزى ەسىمە ءتۇسىپ وتىر, «ءبىز الا الماعان اسۋ, تەك شىڭداي تۇسەدى». جەڭىمپاز اتانعان انشىلەردەن جەڭىلۋ ماعان ۇيات ەمەس, ونىڭ ۇستىنە مەنىڭ كوزقاراسىم بويىنشا باس جۇلدەنى ارمەنيالىق ءانشى رۋسلاننىڭ العانى الدەقايدا ادىلدىرەك بولار ما ەدى دەگەن وي قالدى. بارلىق انشىلەر – مىقتى ورىنداۋشىلار. ءوز ەلىنىڭ ۇكى­لە­گەن ۇمىتتەرى, مويىندالعان مىق­تى­لارى. ولارمەن كەزدەسىپ, ءار ەل­دىڭ ءما­دەنيەتىمەن تانىسقانىما ريزا­مىن. – بوس ۋاقىتىڭدى قالاي وتكىزەسىڭ؟ –  ءوزىڭ ۇناتاتىن ىسپەن اينا­لىسساڭ, بوس ۋاقىتىڭ دا وسى ىسكە ارنالادى ەكەن. بوس ۋاقىتىمدى پايداسىز وتكىزبەۋگە تىرىسامىن. ولەڭ, ءان جازامىن. مۋزىكالىق ادەبيەتتەردى وقيمىن. قازىر اينالىسىپ جاتقان ىستەرىمنىڭ بارلىعى دا بولاشاقتا قاجەتتى, كەرەك دۇنيەلەر. – قاسىڭنان قانداي جاقسى قاسيەتى بار ەردى كورگىڭ كەلەدى؟ – ادال, سەنىمدى ءارى تاربيەلى. ويتكەنى, وسى ءۇش قاسيەت كەز كەلگەن جاندى سيپاتتاپ, ءبىر-بىرىنە تىعىز بايلانىستى دەپ ويلايمىن. اڭگىمەلەسكەن ۆەنەرا تۇگەلباي, «ەگەمەن قازاقستان».