قارجى • 10 تامىز، 2022

قازاقستاندىقتاردىڭ ورتاشا جالاقىسى 312 مىڭ تەڭگەدەن استى

45 رەت كورسەتىلدى

قازاقستاندا 2022 جىلدىڭ ەكىنشى توقسانىندا اتاۋلى ورتاشا جالاقى 312 مىڭ تەڭگەدەن استى، دەپ حابارلايدى Egemen.kz ۇلتتىق ستاتيستيكا بيۋروسىنا سىلتەمە جاساپ.

2021 جىلدىڭ ءتيىستى توقسانىنا قاراعاندا ءوسىم 24%-دى، ناقتى ماندە – 8،9%-دى قۇرادى. جالاقىنىڭ مەديانالىق ءمانى (جالاقى قاتارىنىڭ ورتالىق دەڭگەيى) 2022 جىلعى ءىى توقساندا باعالاۋ بويىنشا 196 728 تەڭگەنى قۇراپ وتىر.

بيۋرونىڭ مالىمەتىنشە، جالاقىنىڭ ءوسۋى بارلىق قىزمەت تۇرلەرىندە بايقالعان. 2021 جىلعا ءتيىستى توقسانمەن سالىستىرعاندا ەڭ جوعارى ءوسىم – قۇرىلىس – 35،5%-عا، كولىك پەن قويمالاۋ – 34،8%-عا، تاۋ-كەن ءوندىرۋ ونەركاسىبى جانە كارەرلەردى قازۋ – 28،3%-عا سالالارىندا بايقالادى، باياۋ قارقىن دەنساۋلىق ساقتاۋ جانە حالىققا الەۋمەتتىك قىزمەت كورسەتۋ سالالارىندا – 12،1%-عا جانە كورسەتىلەتىن قىزمەتتەردىڭ وزگە دە تۇرلەرىن ۇسىنۋدا – 3،9%-دى قۇراپ وتىر.

«ورتاشا ايلىق جالاقى تۋرالى دەرەكتەر كاسىپورىنداردىڭ توقسان سايىنعى ستاتيستيكالىق ەسەبى نەگىزىندە ەسەپتەلەدى. ورتاشا ءمان قوسىمشا اقىلاردى، ۇستەماقىلاردى، سىياقىلاردى، سونداي-اق سالىق پەن باسقا دا ۇستالىمداردى (تابىس سالىعى، مىندەتتى زەينەتاقى جارنالارىن) ەسەپكە الا وتىرىپ قالىپتاستىرىلادى. مەديانا جالاقىسى – ەسەپتەلگەن جالاقى مولشەرى بويىنشا قىزمەتكەرلەر سانىن بولگەندەگى قاتاردىڭ تەڭ ورتاسىندا تۇرعان جانە سول مولشەردى ەكىگە بولەتىن (ودان كوپ جانە از) جالاقى مولشەرى»، دەپ ءتۇسىندىردى ۇلتتىق ستاتيستيكا بيۋروسى ەڭبەك جانە تۇرمىس دەڭگەيى ستاتيستيكاسى دەپارتامەنتىنىڭ ديرەكتورى ناتاليا بەلونوسوۆا.

سوڭعى جاڭالىقتار

ۇقساس جاڭالىقتار