اۋا رايى • 10 تامىز، 2022

بۇگىن ەلىمىزدىڭ باسىم بولىگىندە جاڭبىر جاۋادى

27 رەت كورسەتىلدى

سينوپتيكتەر 10 تامىزعا ارنالعان اۋا رايى بولجامىن جاريالادى، دەپ حابارلايدى Egemen.kz.

«اتموسفەرالىق فرونتالدى بولىكتەردىڭ وتۋىمەن ەلىمىزدىڭ باسىم بولىگىندە جاڭبىر، ورتالىعىندا، سولتۇستىگىندە جانە وڭتۇستىك-شىعىستىڭ تاۋلى اۋداندارىندا قاتتى جاڭبىر جاۋادى، نايزاعاي، ەكپىندى جەل سوعادى، كۇندىزگى ۋاقىتتاردا بۇرشاق جانە وڭتۇستىك-شىعىسىندا داۋىل بولۋى ىقتيمال. رەسپۋبليكانىڭ سولتۇستىگىندە تۇندە جانە تاڭەرتەڭ تۇمان، وڭتۇستىگىندە تۇندە جانە تاڭەرتەڭ شاڭدى داۋىل بولادى»، دەلىنگەن «قازگيدرومەت» حابارلاماسىندا.

قاراعاندى وبلىسىنىڭ باسىم بولىگىندە، اقمولا وبلىسىنىڭ وڭتۇستىگىندە، شىعىسىندا، ورتالىعىندا، پاۆلودار وبلىسىنىڭ وڭتۇستىگىندە جامبىل وبلىسىنىڭ تاۋلى اۋداندارىندا، الماتى وبلىسىندا قاتتى جاڭبىر جاۋادى.

كۇندىز اتىراۋ وبلىسىندا، باتىس قازاقستان وبلىسىنىڭ وڭتۇستىگىندە، ماڭعىستاۋ وبلىسىنىڭ سولتۇستىك-شىعىسىندا قاتتى ىستىق ساقتالادى.

قىزىلوردا وبلىسىنىڭ باسىم بولىگىندە، تۇركىستان وبلىسىنىڭ وڭتۇستىگىندە، شىعىسىندا، اتىراۋ وبلىسىنىڭ سولتۇستىگىندە توتەنشە ءورت قاۋپى جالعاسادى.

سوڭعى جاڭالىقتار

ۇقساس جاڭالىقتار