الەم • 09 تامىز، 2022

يزرايل مەن پالەستينا مامىلەگە كەلدى

354 رەت كورسەتىلدى

يزرايل مەن پالەستينانىڭ «يسلامدىق جيھاد» ۇيىمى اراسىندا ءبىر جىلدان استام ۋاقىتتان بەرى گازادا تۇتانعان ەڭ اۋىر قاقتىعىس توقتادى. ەكى تاراپتىڭ ورتاق ۇستانىمعا كەلۋىنە مىسىر مەملەكەتى مۇرىندىق بولدى. يزرايل ۇلتتىق قوعامدىق ديپلوماتيا توراعاسىنىڭ جازباشا مالىمدەمەسىندە اتىس­تى توقتاتۋ تۋرالى كەلىسىم جەكسەنبى كۇنى جەرگىلىكتى ۋاقىت بويىنشا 23.30-دان باستاپ كۇشىنە ەنگەنى جاريالاندى.

يزرايل ۇلتتىق قوعامدىق ديپلوما­تياسىنىڭ توراعاسى مىسىرعا تاراپتاردى بىتىمگەرشىلىككە شاقىرعانى ءۇشىن العىس ءبىلدىرىپ، «يزرايل اتىستى توقتاتۋ كەلىسىمىن بۇزعان جاعدايدا قاتاڭ جاۋاپ بەرۋ قۇقىعىن ساقتايتىنىن» العا تارتتى.

يزرايل پرەمەر-ءمينيسترى ياير لاپيد جەكسەنبى كۇنى كەشكە ەلدىڭ وڭتۇستىك باسشىلارىمەن كەزدەسۋدە «ماقساتتارعا قول جەتكىزىلدى، وپەراتسيانى جالعاستىرۋدىڭ قاجەتى جوق» دەدى.

ەستەرىڭىزگە سالا كەتەيىك، يزرايل جۇما كۇنى ء«تاڭسارى» وپەراتسياسىن باستاپ، گازا­نىڭ سولتۇستىگىندەگى ءال-قۇدس بريگاداسى كومانديرلەرىنىڭ ءبىرى تاي­سير ءال-ءدجاباريدى زىمىراننان جاسالعان سوققى ارقىلى ءولتىردى. وپە­راتسيانىڭ ەكىنشى كۇنى گازاداعى وڭتۇستىك مايدانعا جاۋاپتى ءال-قۇدس بريگا­دالارىنىڭ قولباسشىسى حالەد مانسۋردىڭ كوزى جويىلعانىن حابارلادى. يزرايل قورعانىس كۇشتەرىنىڭ مالىمەتىنشە، وپەراتسيانىڭ ءۇش كۇنىندە جۇزدەن استام «يسلامدىق جيھاد» ۇيىمى نىساناسىنا سوققى بەرىلگەن. سونىمەن قاتار يزرايلدىكتەر گازا سەكتورىنىڭ سولتۇستىگىندەگى دجاباليادا بەس بالانىڭ ولىمىنە قاتىستى جاۋاپكەرشىلىكتەن بوساپ كەتكەنىن پالەستينالىق باسىلىمدار اشىنا جازدى. يزرايل «بالالاردىڭ قايعىلى ءولىمى» «يسلامدىق جيھاد» ۇيى­مىنىڭ زىمىراندى ءساتسىز ۇشىرۋىنان دەپ مالىمدەدى. Jerusalem Post گازەتىنىڭ مالىمەتىنشە، يزرايلگە 950-دەن استام زىمىران اتقىلانعان. ولاردىڭ 200-گە جۋىعى گازا سەكتورىنىڭ اۋماعىنا قۇلاعان.

ء يزرايلدىڭ اۋە شابۋىلدارى 56 ساعاتقا سوزىلىپ، شابۋىل سالدارىنان 44 ادام، ونىڭ ىشىندە 15 بالا مەن 4 ايەل كوز جۇمىپ، جالپى سانى 300-دەن استام پالەستينالىق جارالانعان. ال يزرايل تاراپىنان زارداپ شەككەندەر جوق.

يزرايل ءوز ارەكەتىن يران قولدايتىن «يسلامدىق جيھاد» ۇيىمىنىڭ ۇلتتىق قاۋىپسىزدىككە قاتەر كەلتىرەتىن شابۋىلىنا قارسى الدىن الا جاسالعان سوققى دەپ اقتالدى. سونداي-اق قاقتىعىس كەزىندە پالەستينالىق تاراپ يزرايلگە مىڭنان استام زىمىران اتقىلاعانىن، ال ەلدىڭ وڭتۇستىك بولىگى مەن تەل-اۆيۆ سياقتى ءىرى قالالاردىڭ تۇرعىندارى بۋنكەرلەرگە قونعانىن اتاپ ءوتتى.

«يسلامدىق جيھاد» ۇيىمىنىڭ جەتەك­شىسى زياد ءال-ناحالا اتىستى توقتات­قان­نان كەيىن ء«ال-مايادين» تەلەارناسىنان بەرىلگەن ءباسپاسوز ءماسليحاتىندا: «بۇل جەڭىس» دەپ قۋانا حابارلادى.

يزرايل رەسمي وكىلدەرىنىڭ حابارلاۋىنشا، اۋە وپەراتسياسىندا «يسلامدىق جيھاد» ۇيىمىنىڭ ەكى قولباسشىسىمەن قوسا 20-عا جۋىق جاۋىنگەر قازا تاپقان، كوپتەگەن اسكەري تانك، قارۋ-جاراق پەن زىمىران ءوندىرىسى جانە ساقتاۋ ورىندارى جويىلعان.

ء«بىز «يسلامدىق جيھادتى» جويعان جوقپىز جانە بۇل ءبىزدىڭ ماقساتىمىز ەمەس»، دەدى ءيزرايلدىڭ رەسمي وكىلى. سون­داي-اق ول وسى قاقتىعىس بارىسىندا ء«يزرايل­دىڭ بارلاۋ جانە اسكەري وپەرا­تسيالىق مۇمكىندىكتەرىنىڭ دەڭگەيىنە ءبارىن تاڭعالدىردىق»، دەدى.

ال گازاداعى «يسلامدىق جيھاد» ۇيىمىنىڭ وكىلى بۇل توپتىڭ باسشى­لىعى سوعىس بارىسىندا شىعىنعا ۇشىرا­عانىمەن، يزرايلگە شارتتار قويىپ، بىرلىك پەن كەلىسىمدى ساقتاي العانىن ايتتى. «دۇشپاندارىمىز «يسلامدىق جيھادتى» توقتاتۋدى سوعىس ماقساتىنا اينالدىردى، بىراق بۇل الدامشى ماقسات جۇزەگە اسپادى»، دەدى توپ وكىلى.

قاقتىعىستىڭ ءورشىپ كەتۋىن تۇسىنگەن يزرايل گازانى باقىلايتىن الدەقاي­دا ۇلكەن جانە قاۋقارلى «حاماس» سودىر­لارىنىڭ سوعىسقا ارالاسۋىنان قاۋىپتەنىپ، «يسلامدىق جيھاد» ۇيىمىمەن ءبىر ما­مىلەگە كەلۋگە شەشىم قابىلدادى.

2021 جىلدىڭ مامىرىندا يزرايل مەن «حاماس» توبى اراسىندا 250 گازالىق قازا تاپقان جانە ايماقتىڭ ەكونوميكاسىن كۇيرەتكەن 11 كۇندىك سوعىس بولدى. اتالعان قاقتىعىستان كەيىن «حاماس» ءوزىنىڭ وداقتاسى «يسلامدىق جيھادقا» بەل­گىلى ءبىر دەڭگەيدە اۋىزشا تۇردە قولداۋ كورسەتىپ وتىردى. الايدا بۇل جولى «يسلامدىق جيھادتى» قاقتىعىستا يزرايلمەن بەتپە-بەت قالدىرىپ، شاي­قاسقا ارالاسپاۋدى ءجون كوردى. الايدا «حاماس» ۇيىمى يزرايل وپەراتسياسى سوزىلىپ، قۇرباندار سانى ارتا بەرسە، ولار «يسلامدىق جيھادقا»» قوسىلۋعا ءماجبۇر بولاتىنىن ايتقان بولاتىن.

گازاداعى اتىستى توقتاتۋ كەلىسىمىنەن كەيىن يزرايل تاڭەرتەڭ گازا سەكتورىنا سالعان بوگەتتەردى الىپ، جانارماي تاسيتىن كولىكتەردىڭ كىرۋىنە رۇقسات بەردى. وسىلايشا ەكى ەل اراسىنداعى شەكارا قاقپالارى قايتا اشىلدى. شەكارانىڭ اشىلۋى گازاداعى جالعىز ەلەكتر ستان­ساسىن قۋاتتاندىرۋعا مۇمكىندىك بەردى، بۇل وسىعان دەيىن ۇلكەن ماسەلە بول­عان گازاداعى ەلەكتر قۋاتىنىڭ قولجە­تىم­دى­لىگىن ارتتىردى. سونداي-اق ەكى تاراپ­تىڭ اتىستى توقتاتۋ كەلىسىمى كۇشىنە ەنگەننەن كەيىن گازا كوشەلەرىندە مەرەكەلىك شارالار ۇيىمداستىرىلعانى حابارلاندى.

وقيعاعا قاتىستى بىرىككەن ۇلتتار ۇيىمىنىڭ باس حاتشىسى انتونيۋ گۋتەر­ريش ءوز پىكىرىن ءبىلدىردى. «تەك كەلىسسوزدەر ارقىلى جۇزەگە اسىرىلاتىن تۇراقتى سايا­سي شەشىم عانا زورلىق-زومبىلىقتى تۇپكىلىكتى توقتاتادى جانە بۇل شەشىم پالەستينالىقتار مەن يزرايلدىكتەر ءۇشىن بەيبىت بولاشاقتىڭ كەپىلى»، دەدى انتونيۋ گۋتەرريش.

ول ءوز سوزىندە گازا مەن ءيزرايلدىڭ اتىس­­تى توقتاتۋ تۋرالى كەلىسىمگە كەلگە­نىنە قۋانىشتى ەكەنىن ايتتى. سونداي-اق باس حاتشى گازاعا جاسالعان اۋە شابۋىل­دارى مەن يزرايلگە اتىلعان زىمى­ران­داردىڭ سالدارىنان قازا تاپقاندار مەن جارالان­عانداردىڭ اراسىندا بالالار دا بولعانىنا قايعىرعانىن تىلگە تيەك ەتتى.

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار