نۇرجان ءسابيت ۇلى 1976 جىلى تاراز قالاسىندا دۇنيەگە كەلگەن.
ول 1997 جىلى جامبىل جەڭىل جانە تاماق ونەركاسىبى تەحنولوگيالىق ينستيتۋتىن «حالىقارالىق ەكونوميكالىق قاتىناستار» ماماندىعى بويىنشا بىتىرگەن.
ەڭبەك جولىن 1997 جىلى «ارنابول» جاۋاپكەرشىلىگى شەكتەۋلى سەرىكتەستىگىنىڭ بۋحگالتەرى بولىپ باستاعان.
ءار جىلدارى زەينەتاقى تولەۋ مەملەكەتتىك ورتالىعىنىڭ تاراز قالالىق بولىمشەسىندە اعا مامان, جامبىل وبلىستىق بولىمشەسىندە باس مامان, جامبىل وبلىسى اكىمى اپپاراتىنىڭ باس مامانى, وبلىس اكىمدىگىنىڭ قارجى باسقارماسىندا ءبولىم باسشىسى, باسقارما باسشىسىنىڭ ورىنباسارى, باسقارما باسشىسى قىزمەتتەرىن اتقارعان.
2011-2013 جىلدارى جامبىل اۋدانىنىڭ اكىمى, 2013 جىلدىڭ ماۋسىم-جەلتوقسان ارالىعى قورداي اۋدانىنىڭ اكىمى, 2013-2017 جىلدارى تاراز قالاسىنىڭ اكىمى, 2017-2019 جىلدارى جامبىل وبلىسى اكىمى اپپاراتىنىڭ باسشىسى, 2019-2020 جىلدارى جامبىل وبلىسى اكىمىنىڭ ورىنباسارى, 2020-2022 جىلدارى شۋ اۋدانىنىڭ اكىمى قىزمەتتەرىن اتقارعان.
ال, 2022 جىلعى اقپاننان باستاپ جامبىل وبلىسى اكىمىنىڭ ورىنباسارى لاۋازىمىندا قىزمەت اتقارىپ كەلدى.
نۇرجان كالەندەروۆ ەندى وبلىس اكىمىنىڭ ءبىرىنشى ورىنباسارى رەتىندە ەكونوميكالىق جوسپارلاۋ, قارجى سەكتورىن دامىتۋ, الەۋمەتتىك قامسىزداندىرۋ, جۇمىسپەن قامتۋ, كوشى-قون, دەنساۋلىق ساقتاۋ, ەڭبەك قاتىناستارى ماسەلەلەرى جانە تاعى دا باسقا سالالارىنا جەتەكشىلىك ەتپەك.
