قوعام • 08 تامىز، 2022

تۇركى اكادەمياسى مەن تۇركسوي ىنتىماقتاستىق تۋرالى مەموراندۋمعا قول قويدى

51 رەت كورسەتىلدى

بۇگىن حالىقارالىق تۇركى اكادەمياسىنىڭ پرەزيدەنتى دارحان قىدىرالى تۇركى مادەنيەتىن جانە ونەرىن دامىتۋ حالىقارالىق ۇيىمىنىڭ (تۇركسوي) باس حاتشىسى سۇلتان راەۆپەن كەزدەستى، دەپ حابارلايدى Egemen.kz.

نۇر-Cۇلتان قالاسىنا ءىسساپارى اياسىندا اكادەميانىڭ جاڭا عيماراتىنا ارنايى كەلگەن تۇركسوي باس حاتشىسى س. راەۆ تۇركى مۋزەيى مەن كىتاپحاناسىن ارالاپ كوردى.

ەكى جاقتى كەزدەسۋ بارىسىندا تاراپتار كۇن تارتىبىندەگى ماڭىزدى جوبالاردى تالقىلاپ، بىرلەسكەن ءىس-شارالار جونىندە پىكىر الماستى.

اكادەميا پرەزيدەنتى د. قىدىرالى تۇركسوي باس حاتشىسى س. راەۆتى جاڭا لاۋازىمىمەن قۇتتىقتاپ، الداعى جۇمىسىنا ساتتىلىك تىلەدى.س

ءوز كەزەگىندە باس حاتشى س.راەۆ حالىقارالىق تۇركى اكادەمياسىنىڭ تۇركى الەمىنىڭ عىلىمي ينتەگراتسياسى باعىتىنداعى جۇمىسىن جوعارى باعالادى. سونىمەن قاتار، س. راەۆ تۇركى اكادەمياسىنىڭ الداعى جۇمىسىنا ساتتىلىك تىلەپ، ۇيىم باسشىسىد. قىدىرالىنى تۇركى الەمىنىڭ مادەنيەتى مەن ادەبيەتىنىڭ دامۋىنا قوسقان زور ۇلەسى ءۇشىن تۇركسوي ۇيىمىنىڭ جوعارى دارەجەلى التىن مەدالىمەن ماراپاتتادى.

سونىمەن قاتار، كەزدەسۋ اياسىندا حالىقارالىق تۇركى اكادەمياسى مەن  تۇركسوي ۇيىمى اراسىندا ءوزارا ارىپتەستىك ورناتۋ تۋرالى مەموراندۋمعا قول قويىلدى.

اتالعان مەموراندۋم تاراپتارعا ورتاق عىلىمي-زەرتتەۋ جوبالارىن جۇزەگە اسىرۋعا مۇمكىندىك بەرەدى. مەموراندۋم اياسىندا ناقتى ءىس-شارالاردى جۇزەگە اسىرۋ بويىنشا جول كارتاسى تۋرالى شەشىم قابىلداندى.

كەزدەسۋ سوڭىندا د. قىدىرالى مارتەبەلى مەيمانعا ريزاشىلىعىن ءبىلدىرىپ، اكادەميانىڭ باعالى باسىلىمدارىن تارتۋ ەتتى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار