قازاقستان • 08 تامىز، 2022

قازاقستاندا گەندەرلىك كورسەتكىش جاقسارىپ كەلەدى

63 رەت كورسەتىلدى

دۇنيەجۇزىلىك ەكونوميكالىق فورۋم اياسىندا وقىلعان «جاھاندىق گەندەرلىك الشاقتىق - 2022» بايانداماسىنا قاراعاندا، قازاقستان گەندەرلىك تەڭسىزدىك بويىنشا ءوز كورسەتكىشتەرىن ەداۋىر جاقسارتىپ، رەيتينگتە 65-ءشى ورىنعا كوتەرىلدى، دەپ حابارلايدى Egemen.kz.

گەندەرلىك تەڭسىزدىكتى تومەندەتۋدىڭ قازىرگى قارقىنىندا بۇكىل الەم تولىق تەپە-تەڭدىككە جەتۋ ءۇشىن 132 جىل قاجەت ەكەن. تەڭدىكتىڭ جيىنتىق كورسەتكىشى بويىنشا توپ-5 ەلگە يسلانديا، فينليانديا، نورۆەگيا، جاڭا زەلانديا جانە شۆەتسيا كىرەدى.

قازاقستان گەندەرلىك تەڭسىزدىكتىڭ جاھاندىق يندەكسى بويىنشا «كورشىلەس» جانە رەيتينگتە يتاليا، يزرايل، گرۋزيا جانە سينگاپۋر سياقتى ەلدەردەن ءسال تومەن ورنالاسسا دا، سلوۆاكيا، موڭعوليا، چەحيا، پولشا نەمەسە ارمەنيادان الدا تۇر. ال ورتالىق ازيا ەلدەرىندە قازاقستان 4-ءشى ورىندا.

«ساراپشىلار قاراستىرىلىپ وتىرعان كريتەريلەر اياسىندا قازاقستاننىڭ ەڭ ۇلكەن جەتىستىگى - ايەلدەر مەن ەرلەر ءۇشىن مەكتەپتەگى جانە كاسىپتىك بىلىمگە قولجەتىمدىلىك بويىنشا تولىق تەڭدىك ەكەنىن اتاپ ءوتتى. سونداي-اق، دەنساۋلىق ساقتاۋ جانە ءومىر ءسۇرۋ كريتەريى بويىنشا جوعارى باعالار الىندى، وندا سالاۋاتتى ءومىردىڭ ورتاشا ۇزاقتىعى جانە تۋ كەزىندەگى جىنىستىق تەڭدىك ەسكەرىلەدى. وسى كورسەتكىشتەر بويىنشا ءبىزدى تيىسىنشە 27 جانە 44 ورىنعا ورنالاستىردى»، دەدى «ەڭبەك رەسۋرستارىن دامىتۋ ورتالىعى» اق باسقارۋشى ديرەكتورى الەكساندرا مولچانوۆسكايا.

ەڭبەك نارىعىنداعى مۇمكىندىكتەرگە قاتىستى قازاقستان ءبىر جۇمىس ءۇشىن جالاقىنىڭ تەڭدىگى ولشەمى بويىنشا 46-شى ورىندى، جۇمىس كۇشىنە قاتىسۋ دەڭگەيى بويىنشا 51-ءشى ورىندى جانە بىلىكتىلىگى جوعارى جانە ورتا بىلىكتى قىزمەتكەرلەر اراسىندا ايەلدەردىڭ تەڭ وكىلدىگى بويىنشا 1-ءشى ورىندى الادى.

«ساياسي قۇقىقتار مەن مۇمكىندىكتەرگە تەڭ قول جەتكىزۋ ولشەمى بويىنشا ەلىمىز 146 ەلدىڭ ىشىندە 103-ءشى ورىندا ەكەنىن اتاپ وتكەن ءجون. مۇنداي تومەن كورسەتكىشتەر ورتالىق ازيانىڭ بارلىق ەلدەرىنە ءتان. بۇل ايەلدەردى جوعارى ساياسي وكىلەتتى جانە اتقارۋشى ورگاندارعا كوبىرەك تارتۋ قاجەتتىگىن بىلدىرەدى»، دەپ قوستى ديرەكتور.

سونىمەن قاتار، قولدانىستاعى ەلەكتروندى ەڭبەك كەلىسىمشارتتارى بويىنشا جۇرگىزىلگەن تالداۋعا سايكەس، ايەلدەر قازاقستانداعى جوعارى بىلىكتى مامانداردىڭ نەگىزىن قۇرايدى. الايدا، باسشىلىق لاۋازىمدارداعى ايەلدەردىڭ ەرلەرگە قاتىناسى ايتارلىقتاي تومەن.

سونداي-اق، بىلىكتىلىگى تومەن ەڭبەكپەن اينالىساتىن ايەلدەردىڭ سانى ەرلەرگە قاراعاندا ەداۋىر كوپ. سونىمەن قاتار، اۋىل شارۋاشىلىعىندا، قۇرىلىستا، ونەركاسىپتە جانە كولىكتە ەرلەردىڭ ايتارلىقتاي ۇستەمدىگى بايقالادى. قىزمەتكەرلەردىڭ كىرىسىن ەسكەرە وتىرىپ، ەرلەردىڭ ورتاشا جالاقىسى نەگىزگى جۇمىس توپتارىنداعى ايەلدەرگە قاراعاندا ەداۋىر جوعارى. مىسالى، ەر باسشىلار ايەل مەنەدجەرلەرىنە قاراعاندا ورتا ەسەپپەن 12،4% جوعارى جالاقى الادى. «كاسىبي ماماندار» توبىنداعى ايەلدەردىڭ كوپ بولۋىنا قاراماستان، ولاردىڭ جالاقىسى ەرلەرگە قاراعاندا 29% از. ەڭ ۇلكەن الشاقتىق «ونەركاسىپ، قۇرىلىس، كولىك جۇمىسشىلارى» توبىنا تيەسىلى، مۇندا ەرلەردىڭ ورتاشا جالاقىسى ايەلدەرمەن سالىستىرعاندا 69% جوعارى.

وڭىرلەر بولىنىسىندە مۇناي جانە ونەركاسىپتىك وڭىرلەردە ەڭبەكاقى تولەۋدىڭ ايتارلىقتاي گەندەرلىك الشاقتىعى بايقالادى، ال وڭتۇستىك جانە اگرارلىق وڭىرلەردە ايىرماشىلىق از. اتاپ ايتقاندا، ماڭعىستاۋ وبلىسىندا ەرلەردىڭ ورتاشا جالاقىسى ايەلدەرگە قاراعاندا 86% كوپ، جانە ەڭبەكاقى تولەۋ بويىنشا الشاقتىققا نەگىزگى ۇلەس «ونەركاسىپ، قۇرىلىس، كولىك جۇمىسشىلارى» جانە «كاسىبي ماماندار» ساناتتارىنا تيەسىلى»، دەدى الەكساندرا مولچانوۆسكايا.

سوڭعى جاڭالىقتار

سەمەي قالاسىنىڭ اكىمى تاعايىندالدى

تاعايىنداۋ • بۇگىن، 10:42

مەسسي جەڭىسكە جەتەلەي المادى

فۋتبول • بۇگىن، 07:35

شيرەك فينالعا ءوتتى

تەننيس • بۇگىن، 07:33

ءتورتىنشى ورىنعا تۇراقتادى

تەننيس • بۇگىن، 07:32

جۇلدەنىڭ اۋىلى الىس ەمەس

سپورت • بۇگىن، 07:28

بارىمتاعا – «قارىمتا»

قوعام • بۇگىن، 07:25

اسىق اتۋدان الەم چەمپيونى

ۇلتتىق سپورت • بۇگىن، 07:24

ادام كاپيتالىن ارتتىرۋعا ارنالادى

ەكونوميكا • بۇگىن، 07:20

جاڭا رەفورماعا سەنىم زور

پىكىر • بۇگىن، 07:16

ءۇمىت ءسوزى

پىكىر • بۇگىن، 07:12

بۇل – بولاشاقتىڭ تاڭداۋى

پىكىر • بۇگىن، 07:08

اشىقتىقتى ارتتىراتىن يگى ىستەر

قازاقستان • بۇگىن، 07:05

قۇقىق ۇستەمدىگى – كەلىسىم كەپىلى

قازاقستان • بۇگىن، 07:03

ەرتەڭىمىز ءۇشىن ۇتىمدى شەشىم

ساياسات • بۇگىن، 07:00

كاسىپ كوزى – ءناسىپ كوزى

ەكونوميكا • كەشە

ۇقساس جاڭالىقتار