بولجام بويىنشا, الداعى كۇندەرى قازاقستاننىڭ باتىسى مەن سولتۇستىك-باتىسىندا جاۋىن-شاشىنسىز اۋا رايى كۇتىلەدى.
«ەلدىڭ قالعان بولىگىندە اۋا رايى وڭتۇستىك تسيكلون جانە ونىمەن بايلانىستى اتموسفەرالىق فرونتال بولىكتەر ىقپالىنا بايلانىستى بولادى. مۇندا كوبىنەسە جاڭبىرلى اۋا رايى بولجانادى - نايزاعاي, ەكپىندى جەل سوعىپ, قىسقا مەرزىمدى جاڭبىر جاۋادى. رەسپۋبليكانىڭ ورتالىعىندا, سولتۇستىگىندە, وڭتۇستىگىندە جانە وڭتۇستىك-شىعىسىندا قاتتى جاڭبىر, بۇرشاق, جەل بولۋى مۇمكىن», دەلىنگەن حابارلامادا.
اۋا تەمپەراتۋراسىندا ايتارلىقتاي وزگەرىستەر بولمايدى:
كۇندىز باتىستا +30 +37 گرادۋس;
وڭتۇستىك-باتىستا +27 +37 گرادۋس;
سولتۇستىك-باتىستا +27 +35 گرادۋس;
سولتۇستىكتە, شىعىستا +22 +30 گرادۋس;
ورتالىقتا +20 +28 گرادۋس;
وڭتۇستىكتە, وڭتۇستىك-باتىستا, ەلدىڭ شىعىسىندا +30 +35 گرادۋس;
تاۋلى ايماقتاردا +25 گرادۋس شاماسىندا.
