ءبىلىم • 05 تامىز، 2022

قازاقستاندا رەسەيلىك ەكى جوو-نىڭ فيليالى اشىلادى

67 رەت كورسەتىلدى

بيىل قازاقستاندا رەسەيدىڭ ەكى جوعارى وقۋ ورنىنىڭ فيليالى اشىلادى. ءتيىستى قاۋلى ۇكىمەتتە قابىلداندى، دەپ حابارلايدى Egemen.kz.

كۇزدە رەسەيدىڭ «ميفي» ۇلتتىق يادرولىق زەرتتەۋ ۋنيۆەرسيتەتىنىڭ فيليالى الماتى قالاسىندا، ي.م. گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتىنىڭ فيليالى اتىراۋ قالاسىندا اشىلادى.

بيىل قازان ايىندا اتالعان جوعارى وقۋ ورىندارى فيليالدارىنىڭ بازاسىندا «قورعالعان جوعارى ءونىمدى ەسەپتەۋ جۇيەلەرى»، «ەلەمەنتار بولشەكتەر فيزيكاسى جانە عارىش فيزيكاسى»، «مۇناي مەن گازدى ىزدەۋ جانە بارلاۋ»، «مۇناي جانە گاز كەن ورىندارىن يگەرۋ، پايدالانۋ جانە كەشەندى مەحانيكالاندىرۋ مەن اۆتوماتتاندىرۋ»، «مۇناي جانە گاز تاسىمالداۋ» سياقتى ماماندىقتار بويىنشا كادرلاردى دايىنداۋ باستالادى. وعان 200 گرانت ءبولىندى. وقۋ پروتسەسىنە جەتەكشى رەسەيلىك پروفەسسورلار تارتىلماق.

«كاسىبي كادرلاردى دايارلاۋ مەن عىلىمي زەرتتەۋلەردى ۇيىمداستىرۋدا جوعارى وقۋ ورىندارىن الەم ەلدەرىنىڭ تاجىريبەسىمەن ۇشتاستىرۋ جانە ىنتىماقتاستىق اۋقىمىن كەڭەيتۋ زاماناۋي ءبىلىم بەرۋ تەحنولوگيالارىن كەڭىنەن ەنگىزۋگە مۇمكىندىك بەرەدى. تەحنيكالىق كادرلاردى دايىنداۋ جاعىنان رەسەيلىك عىلىم الەمدەگى ەڭ ۇزدىكتەردىڭ ءبىرى سانالادى. سوندىقتان بۇل تاجىريبە بىزگە وتە پايدالى»، دەدى عىلىم جانە جوعارى ءبىلىم ءمينيسترى ساياسات نۇربەك.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار