سونداي-اق «ازاماتتارعا ارنالعان ۇكىمەت» مەملەكەتتىك كورپوراتسياسى «حالىقتىڭ تابىسىن ارتتىرۋدىڭ 2025 جىلعا دەيىنگى باعدارلاماسى» كەشەندى جوسپارىن ورىنداۋ اياسىندا بيىل شىلدەدەن باستاپ ءوز قىزمەتكەرلەرىنىڭ جالاقىسىن 25 پايىزعا ارتتىردى. بۇل – ءتيىمدى جۇمىس ىستەۋ مەن كورپوراتيۆتى مادەنيەت دەڭگەيىن ارتتىرۋ ءۇشىن جاسالعان ستراتەگيالىق قادام.
2022 جىلدىڭ قاڭتارىندا قىزمەتكەرلەردىڭ جالاقىسى 25 پايىزعا وسسە, 1 شىلدەدەن باستاپ جالاقى مولشەرى تاعى 25 پايىزعا ۇلعايدى. جالپى العاندا, جالاقى ءوسىمى 50 پايىز بولدى.
«مەملەكەتتىك كورپوراتسيا ء«بىر تەرەزە», ء«بىر ءوتىنىش» ۇدەرىستەرىن بارىنشا وڭايلاتۋ مەن وڭتايلاندىرۋ ماقساتىندا پرواكتيۆ قاعيداتى بويىنشا مەملەكەتتىك قىزمەتتەردى جەكە جانە زاڭدى تۇلعالارعا كورسەتە وتىرىپ, ءوزىن تولىققاندى بىرىڭعاي پروۆايدەر ەسەبىندە بەكىتتى. قىزمەتكەرلەردىڭ جالاقىسىن كوتەرۋ – مەملەكەتتىك قىزمەتتەر جۇيەسىن ودان ءارى تابىستى دامىتۋداعى وتە ماڭىزدى ماسەلە ەكەنى انىق. مەملەكەتتىك كورپوراتسيا قۇرىلعاننان كەيىن, وكىنىشكە قاراي, ءبىزدىڭ قىزمەتكەرلەرىمىز بەلگىلى ءبىر ستاتۋسسىز قالعان بولاتىن. ولار مەملەكەتتىك قىزمەتكەرلەرگە دە, مەملەكەتتىك قىزمەتشىلەرگە دە جاتپايدى. قىزمەتكەرلەرىمىز وتە ءبىلىمدى, ازاماتتار ءۇشىن ناقتى قولايلى جاعداي جاساي بىلەتىن ماماندار, كوپشىلىگى – جاستار. قازىر كليەنتتەر مەملەكەتتىك ورگانداردىڭ تابالدىرىعىن توزدىرماي, كەز كەلگەن انىقتامانى وڭاي الا الادى, ۋاقىتىن, قاراجاتىن ايتارلىقتاي ۇنەمدەيدى. ەڭبەكاقىنى ارتتىرۋدىڭ ناتيجەسىندە, قىزمەتكەرلەردىڭ جالاقىسى 150 مىڭ تەڭگەگە جەتتى. مەملەكەتتىك كورپوراتسيانىڭ باسشىلىعى بۇعان ىشكى شىعىنداردى وڭتايلاندىرۋ جانە بيزنەس-پروتسەستەردى اۆتوماتتاندىرۋ ارقىلى قول جەتكىزدى. ينفلياتسيا مەن ۇلكەن قالالارداعى ءومىردى ەسكەرسەك, جالاقى الدەقايدا جوعارى بولۋى كەرەك. بۇل ماسەلەنى پارلامەنت دەپۋتاتتارى دا كوتەردى. جالاقىنى كوتەرۋ جانە قىزمەتكەرلەرىمىزدىڭ مارتەبەسىن ايقىنداۋ ماسەلەسى ۇكىمەت تاراپىنان ءتيىستى نازار اۋدارۋدى تالاپ ەتەدى دەپ ويلايمىن», دەدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ومبۋدسمەنى مايرا ايسينا.
بۇعان دەيىن مەملەكەتتىك كورپوراتسيا قىزمەتكەرلەرىنىڭ جالاقىسى 85-115 مىڭ تەڭگە بولعان, سوڭعى 5 جىلدا قىزمەتكەرلەردىڭ ايلىعى ايتارلىقتاي وسپەگەن.
«ازاماتتارعا ارنالعان ۇكىمەت» مەملەكەتتىك كورپوراتسياسىندا بۇگىندە 22 مىڭعا جۋىق قىزمەتكەر جۇمىس ىستەيدى. بۇل – 20 فيليال, 328 فرونت جانە 442 بەك-وفيس, 68 موبيلدىك حقو-دان تۇراتىنىن ايتا كەتكەن ءجون.
الماتى
