اكتسيا 2022 جىلعى 31 تامىزعا دەيىن, ياعني جاڭا وقۋ جىلى باستالعانعا دەيىن جالعاسادى.
ناۋقانعا كەز كەلگەن ادام قاتىسا الادى: ەرىكتىلەر, بيزنەسمەندەر, مەتسەناتتار, ۇكىمەتتىك ەمەس ۇيىمدار جانە ت.ب. قاتىسۋشىلار مۇقتاج وتباسىلار مەن بالالارعا قولداۋ كورسەتە الادى نەمەسە كەرىسىنشە كومەك سۇراي الادى.
«اكتسيا از قامتىلعان, كوپ بالالى وتباسىلاردان شىققان مەكتەپ وقۋشىلارىنا, جەتىم جانە اتا-اناسىنىڭ قامقورلىعىنسىز قالعان بالالارعا قاجەتتى كومەك كورسەتۋ ماقساتىندا وتكىزىلىپ وتىر. بالالاردى جاڭا وقۋ جىلىنا دايىنداۋعا كەز كەلگەن ادام كومەكتەسە الادى. وسىلايشا الەۋمەتتىك سەبەپتەرمەن بالالاردىڭ مەكتەپكە بارماۋىنىڭ الدىن الامىز. ءاربىر مەكتەپتە الەۋمەتتىك كومەككە مۇقتاج بالالاردىڭ اتاۋلى, جەكە تىزىمدەرى جاسالعان. ءبىلىم بەرۋ ۇيىمدارىندا «جەدەل جەلى» ۇزدىكسىز جۇمىسى ۇيىمداستىرىلعان. قيىن ومىرلىك جاعدايعا تاپ بولعان بارلىق بالا مەن اتا-انا كومەك سۇراي الادى. ءوز كەزەگىندە بەي-جاي قارامايتىن ازاماتتار, كاسىپكەرلەر, مەتسەناتتار اكتسياعا قوسىلىپ, مۇقتاج جاندارعا قول ۇشىن سوزا الادى», دەدى قر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ توراعاسى ەسەنعازى يمانعاليەۆ.
«مەكتەپكە جول» اكتسياسى جىل سايىن جاڭا وقۋ جىلى قارساڭىندا وتكىزىلەدى. بۇگىنگە دەيىن اكتسيا شەڭبەرىندە 2 ملن-نان استام بالاعا ماتەريالدىق كومەك كورسەتىلدى.
