مۋزەيگە كەلۋشىلەر سانى جاز مەزگىلىندە دە سيرەگەن ەمەس. ءتىپتى كەيدە وزگە قالانىڭ تۇرعىندارى دا مۇنداعى جادىگەرلەرمەن تانىسىپ جاتادى. مۋزەي زالدارىن ارالاپ جۇرگەن كەزدە ساق جاۋىنگەرىنىڭ دۋلىعاسى كوزىمىزگە وتتاي باسىلدى. قولادان جاسالعان جادىگەردىڭ تاريحى تىم ارىدە جاتىر ەكەن.
«بۇل دۋلىعا VII-IV عاسىرلاردان تامىر تارتادى. قولادان قۇيىلىپ جاسالعان جادىگەردىڭ تازا سالماعى ءۇش كيلوگراممعا جۋىقتايدى. ونىڭ تومەن جاعىندا بىرنەشە تەسىك بار. دۋلىعا قورداي اۋدانىنان 1950 جىلى كەزدەيسوق تابىلعان. بۇرىنعى كەڭەس وداعىنىڭ تەرريتورياسىنان تابىلعان ءۇش ساق دۋلىعاسىنىڭ بىرەۋى سانالادى», دەيدى اتالعان مۋزەي ديرەكتورىنىڭ ورىنباسارى زارينا دۇكەنباەۆا.
تاراز
