بولجام بويىنشا, قازاقستاننىڭ سولتۇستىك وڭىرلەرىنە قاتتى نوسەردەن كەيىن سولتۇستىك انتيتسيكلون ىقپال ەتەدى.
«تۇندە اۋا تەمپەراتۋراسى ايتارلىقتاي تومەندەيدى. قازاقستاننىڭ وڭتۇستىگىندە اۋا رايى جاعدايىنىڭ قالىپتاسۋىنا اتموسفەرالىق فرونت ارالاسادى, اسپاندا بۇلتتار كوبەيەدى, جاڭبىر بولجانادى, ال تاۋلى جانە تاۋ بوكتەرىندەگى اۋدانداردا, تىپتەن قاتتى جاڭبىر جاۋادى», دەلىنگەن حابارلامادا.
رەسپۋبليكا بويىنشا نايزاعاي, بۇرشاق, داۋىل, جەلدىڭ كۇشەيۋى, رەسپۋبليكانىڭ سولتۇستىگىندە تۇمان كۇتىلەدى.
«كۇندىز باتىستا +28 +33 گرادۋس, وڭتۇستىك-باتىستا +33 +38 گرادۋس, سولتۇستىك-باتىستا +18 +28 گرادۋس. سولتۇستىكتە, شىعىستا جانە رەسپۋبليكانىڭ ورتالىعىندا تۇندە تەرمومەترلەر +7 +12 گرادۋسقا دەيىن تومەندەيدى, كۇندىز نەگىزگى فون +17 +28 گرادۋس, ەلدىڭ وڭتۇستىگىندە بولسا +25 +34 گرادۋس بولادى. ال وڭتۇستىك-شىعىستا +30 +35 گرادۋستان +25 +30 گرادۋسقا دەيىن تومەندەيدى, تاۋلى اۋدانداردا +22 گرادۋس بولادى», دەلىنگەن بولجامدا.
