تالداۋعا سايكەس, قازاقستان حالقىنىڭ سانى 2030 جىلعا قاراي 20,8 ملن-نان 21,5 ملن-عا دەيىن, ال 2050 جىلعا قاراي 23,5 ملن-نان 27,7 ملن-عا دەيىن ءوسۋى مۇمكىن.
«بۇل رەتتە, ەگەر ءولىم مەن تۋ كورسەتكىشتەرى 2021 جىلعى دەڭگەيدە, ال سىرتقى جانە وڭىرارالىق كوشى-قون 2017-2021 جىلدارداعى ورتاشا ماندە ساقتالسا, قازاقستان حالقىنىڭ سانى 2030 جىلعا قاراي 20 ملن 958 مىڭ ادامعا, ال 2050 جىلعا قاراي 27 ملن 192 مىڭ ادامعا دەيىن جەتەدى», دەدى ەڭبەك رەسۋرستارىن دامىتۋ ورتالىعىنىڭ ديرەكتورى دميتري شۋمەكوۆ.
ول ەردو تاڭدالعان بازالىق جىلعا, تۋ دەڭگەيىنە, ءولىم-جىتىمگە جانە كوشى-قونعا بايلانىستى ءار ءوڭىر بويىنشا 27 نەگىزگى بولجامدى اتاپ ءوتتى. سونداي-اق حالىقتىڭ سانىن وسى نەگىزگى كورسەتكىشتەر شەڭبەرىنەن تىس مودەلدەۋگە مۇمكىندىك بەرەتىن مەحانيزم جاسالدى, مىسالى, تۋ كورسەتكىشىن جوعارىلاتۋ نەمەسە ءولىمدى بەلگىلى ءبىر پايىزعا تومەندەتۋ.
ونىڭ مالىمەتىنشە, 2030 جىلعا قاراي بولجام بويىنشا حالىق سانى نۇر-سۇلتان قالاسىندا – 420 مىڭ ادامعا نەمەسە 33%-عا, 1,7 ملن ادامعا دەيىن, الماتى قالاسىندا 414 مىڭ ادامعا نەمەسە 20%-عا, 2 ملن 466 مىڭ ادامعا دەيىن, شىمكەنت قالاسىندا 369 مىڭ ادامعا نەمەسە 32%-عا, 1,5 ملن ادامعا دەيىن وسەدى.
بۇدان باسقا, تۇركىستان وبلىسىندا حالىق سانى 207 مىڭ ادامعا, ماڭعىستاۋ وبلىسىندا 170 مىڭ ادامعا, الماتى وبلىسىندا 145 مىڭ ادامعا ۇلعايادى. شىعىس قازاقستان, قوستاناي, سولتۇستىك قازاقستان, قاراعاندى, پاۆلودار جانە اقمولا وبلىستارىندا حالىق سانىنىڭ قىسقارۋى كۇتىلۋدە.
