وبلىستىق تج دەپارتامەنتىنىڭ ءباسپاسوز قىزمەتى حابارلاعانداي, وقيعا 28 شىلدە كۇنى بايتەرەك اۋدانى جايىق اۋىلىندا «Saya» دەمالىس بازاسىندا بولعان.
«ساعات 19.30-دا بەس جاسار بالانىڭ جوعالىپ كەتكەنى تۋرالى حابار تۇسكەن. ىزدەستىرۋ جۇمىستارىنا جەدەل قۇتقارۋ جاساعىنان 4 ادام (1 ءجۇزۋ قۇرالى) تارتىلدى. ساعات 19.40-تا كۋاگەرلەر بالانىڭ دەنەسىن سۋدان شىعارىپ الدى. 2017 جىلعى ۇل بالا شومىلۋ ءۇشىن جابدىقتالعان جاعاجايدا اتا-اناسىمەن, تۋىستارىمەن بىرگە بولعان. انىقتالعانىنداي, بالا سۋعا ۇرلەمەلى شەڭبەرمەن كىرگەن. اتا-اناسى مەن تۋىستارى سول كەزدە جاعادان 50 مەتر جەردەگى جازعى كافەدە بولعان. بالانىڭ جوعالعانىن بايقاعان اتا-انا ىزدەستىرۋدى باستاعان. قۇتقارۋشىلاردىڭ ءبىرى بالانىڭ ءمايىتىن تاپتى», دەپ حابارلادى ۆەدومستۆودان.
