«جاتاقحانا الماتى كوشەسى 7 ءۇي, 2 عيماراتتا ورنالاسقان. قازىرگى ۋاقىتتا سەگىز ادامنىڭ قازا تاۋىپ, ۇشەۋى دارىگەرلەردىڭ قاراۋىندا ەكەنى بەلگىلى بولدى. قازا تاپقانداردىڭ بارلىعى ميگرانتتار. ولاردىڭ ازاماتتىعى انىقتالىپ جاتىر. قازىرگى ۋاقىتتا ۇيىندىلەردىڭ استى تەكسەرىلۋدە. ءورت ءسوندىرىلدى, 150 شارشى مەترلىك ءۇش بولمە مەن ءدالىز جانىپ كەتكەن», دەپ جازادى تاسس.
رف تجم ءباسپاسوز قىزمەتىنىڭ مالىمەتىنشە, ءورت تۋرالى حابار ماسكەۋ ۋاقىتىمەن بەيسەنبى كۇنى ساعات 23:58-دە تۇسكەن. ءورت 20 مينۋتتا اۋىزدىقتالعان.
«موسگاز» اق ءباسپاسوز قىزمەتى بۇل عيماراتقا گاز تارتىلماعانىن ايتادى.
«الدىن الا بولجام بويىنشا, ءورت تۋرالى جاعداي كەش حابارلاعان. ونى وزدىگىنەن سوندىرمەك بولعان ادامدار قازا تاپقان», دەدى جەدەل قىزمەتتەگى دەرەككوز.
