بۇكىل ەلىمىز بويىنشا قازاقستان حالقىنىڭ بىرلىگى كۇنى تويلانۋدا

استانا. 1 مامىر. بۇگىن مەملەكەت باسشىسى نۇرسۇلتان نازارباەۆتىڭ قاتىسۋىمەن استاناداعى  «قازاق ەلi» مونۋمەنتi الدىندا قازاقستان حالقىنىڭ بىرلىگى كۇنى مەيرامى سالتاناتتى جاعدايدا باستالدى. سونداي-اق, ەلىمىزدىڭ بارلىق ايماقتارىندا دا مەرەكەلىك دۋمان ءوز شىمىلدىعىن اشتى. بۇل تۋرالى egemen.kz ءتىلشىسى حابارلادى. استاناداعى «قازاق ەلى» مونۋمەنتى الاڭىنداعى كونتسەرتتىك باعدارلامالار ءۇش ءتۇرلى ساحنادا جۇرگىزىلۋدە. بۇل مادەني شارالار كۇنى بويى تولاستامايدى. نەگىزگى ساحنادا 700-دەن استام جەكەلەگەن ونەرپازدار مەن شىعارماشىلىق ۇجىمدار حالىققا كوتەرىڭكى كوڭىل-كۇي سىيلاماق. ساحنادا «ناز» بي انسامبلi, «شابىت» قازاق ۇلتتىق ونەر ۋنيۆەرسيتەتiنiڭ بي توبى, وسكەمەن قالاسىنىڭ «فلەش» بالەت توبى, قاراعاندىنىڭ «يستوركا» بي انسامبلi, شىمكەنت قالاسىنىڭ «شامسينۋر» جانە «ايگولەك» بي توپتارى, سونداي-اق تمد ەلدەرiنەن – «ۆايناح» بي انسامبلi (رف شەشەن رەسپۋبليكاسى), ومبى (رەسەي) مەملەكەتتiك بي جانە ءان انسامبلi, ءتبيليسيدىڭ گرۋزين ۇلتتىق حورى, انكارانىڭ تۇرiك ۇلتتىق حورى كوپشىلىككە ءوز ونەرلەرىن ۇسىنادى.  بۇلاردىڭ اراسىندا باسقا دا مەملەكەتتەردەن كەلگەن   – زيتحەر (گەرمانيا), مادان واك ء(ۇندiستان), چجۋ (قىتاي)  سىندى انشىلەر دە بار. ال كىشى ساحنادا 17.00-گە دەيىن 23 ەتنومادەني بىرلەستىك وكىلدەرى  ونەر كورسەتەدى. الاڭدا ءار ەلدىڭ مادەنيەتى مەن تاريحىنان سىر شەرتەتىن قازاقستان حالقى اسسامبلەياسىنىڭ ەتنومادەني قالاشىعى قۇرىلعان. سونىمەن قاتار, ارنايى دايىندالعان سپورتتىق الاڭداردا ارقان تارتىس, توعىزقۇمالاق, گىر كوتەرۋ سىندى ويىنداردان سايىستار ۇيىمداستىرىلادى. الدىن الا حابارلاعانىمىزداي, مەرەكەلىك باعدارلاما ەلىمىزدىڭ بەلگىلى انشىلەرىنىڭ كونتسەرتىمەن جالعاسادى. جولدىباي بازار. دەرەككوز: egemen.kz. فوتو: «قازاقپارات».