وتىرىسقا قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ توراعاسى م. ابىلقاسىموۆا, ۇلتتىق بانكى توراعاسىنىڭ ورىنباسارى ۆ.تۋتۋشكين قازاقستان قارجىگەرلەر قاۋىمداستىعىنىڭ ءتورايىمى ە.ل. باحمۋتوۆا, بانك جانە ساقتاندىرۋ سەكتورلارىنىڭ, باعالى قاعازدار نارىعىنىڭ كاسىبي قاتىسۋشىلارى وسى جيىنعا قاتىستى.
باقىتجان ساعىنتاەۆ ارىپتەستەرىن كوميسسيانىڭ قارجى نارىعى سالاسىنداعى جۇرگىزىپ جاتقان جۇمىستارى تۋرالى حاباردار ەتتى.
«قارجى نارىعى سالاسىنداعى ينتەگراتسيا – باستى مىندەتتەردىڭ ءبىرى. ونى شەشۋ وداق اياسىندا كاپيتال مەن قارجىلىق قىزمەتتەردىڭ كەدەرگىسىز قوزعالىسى ءۇشىن جاعداي جاسايدى, ينۆەستيتسيالىق جانە قارجىلىق قىزمەتتەردىڭ قولجەتىمدىلىگى مەن الۋاندىعىن ارتتىرادى دەپ سەنەمىن», دەدى مينيستر.
سونىمەن قاتار باقىتجان ساعىنتاەۆ ايتىپ وتكەندەي, قازىرگى ۋاقىتتا بانك جانە ساقتاندىرۋ سەكتورلارىندا ستاندارتتالعان ليتسەنزيا ينستيتۋتىن ەنگىزۋ بويىنشا جۇمىستار ءجۇرىپ جاتىر.
ساۋدا ءوزارا قارىم-قاتىناستارىندا ۇلتتىق ۆاليۋتالاردى پايدالانۋدى دامىتۋ پروتسەستەرىن تالقىلاۋ شەڭبەرىندە كەزدەسۋگە قاتىسۋشىلار ينتەگراتسيالىق پروتسەستەردىڭ ارقاسىندا ۇلتتىق ۆاليۋتالارداعى ءوزارا ساۋدانىڭ ۇلەسى 70 پايىزدان دان اسقانىن اتاپ ءوتتى.
باقىتجان ساعىنتاەۆ «ۇلتتىق ۆاليۋتالارداعى ءوزارا ەسەپ ايىرىسۋلاردىڭ تۇراقتى وسۋىنە قاراماستان, مۇشە مەملەكەتتەر اراسىنداعى ءوزارا ساۋدا جانە قارجى اعىندارىن ارتتىرۋ قاجەت» دەپ اتاپ ءوتتى.
كەزدەسۋ بارىسىندا قاتىسۋشىلار ەۋرازيالىق ينتەگراتسيا پروتسەستەرى اياسىندا ىنتىماقتاستىقتى ودان ءارى نىعايتۋ جانە ءوزارا ءىس-قيمىل تۋرالى پىكىر الماستى.
