ء«بىز, مەملەكەتتەر كوشباسشىلارى رەتىندە وڭىردەگى ءالى دە ساقتالىپ وتىرعان تۇراقسىزدىق فاكتورلارىن بارىنشا جويۋ ءۇشىن قولدان كەلگەننىڭ ءبارىن جاساۋعا ءتيىسپىز. مەملەكەتارالىق شەكارالارداعى ءاربىر اتىس تەك سول ەلدەردە عانا ەمەس, بۇكىل ايماققا دا اۋىر تيەتىنى بەلگىلى. قازىرگى داعدارىس جاعدايىندا ءبىزدىڭ مەملەكەتتەرىمىز شەكارالىق ماسەلەلەردى ەڭسەرۋدىڭ ءتيىمدى ۇلگىسىن كورسەتۋگە ءتيىس», دەدى مەملەكەت باسشىسى.
پرەزيدەنت قازىرگى ۋاقىتتا شەكارانى زاڭدى تۇردە راسىمدەۋ پروتسەسى وتە كۇردەلى ەكەنىن ايتتى.
«داۋلى ماسەلەلەردى شىنايى تاتۋ كورشىلىك جانە حالىقارالىق قۇقىقتىڭ ىرگەلى قاعيداتتارىن ساقتاي وتىرىپ, تەك بەيبىت جولمەن شەشۋگە بولادى. باسقا بالاما جوق», دەدى ەل پرەزيدەنتى ءوز سوزىندە.
