«ەندى eGov mobile-دا تەك بيومەتريالىق دەرەكتەر ارقىلى تىركەلۋگە بولادى. بۇرىنعىداي سمس حابارلاما كۇتۋدىڭ قاجەتى جوق جانە پايدالانۋشىلاردىڭ دەرەكتەرىندە قاۋىپسىزدىك ساقتالادى. قازىر eGov mobile - بۇل وتە ىڭعايلى قوسىمشا جانە حالىققا قىزمەت كورسەتۋ ورتالىقتارىندا الاتىن قىزمەتتەردى وسى جەردەن جىلدام الۋعا بولادى. اتاپ ايتقاندا, 400 مەملەكەتتىك قىزمەت جانە جەكە تۇلعالارعا ارنالعان e-license قىزمەتتەرى, جەكە كۋالىك پەن جۇرگىزۋشى كۋالىگىن قوسا العاندا, 18 ساندىق قۇجات بار», دەپ جازدى ب.مۋسين.
بۇدان سوڭ, مينيستر بيومەتريالىق دەرەكتەر ارقىلى قالاي تىركەلۋگە بولاتىنىن ايتتى.
«Digital ID جۇيەسى ارقىلى الدىن الا بەينە-سايكەستەندىرۋدەن ءوتىپ, ەتسق كىلتتەرىن الۋ قاجەت. ءوزىم ارنايى كىرىپ كوردىم, 2-3 مينۋت ۋاقىتىمدى الدى. قازىر ارىپتەستەرىمىز قازاقستاندىقتارعا مەملەكەتتىك قىزمەتتەردى تەلەفوننان جىلدام الۋعا كومەكتەسەتىن مۇمكىندىكتەردى ىسكە اسىرۋ باعىتىندا ءتيىستى جۇمىستار اتقارۋدا», دەپ جازدى ول.
