بۇل – قازاقستان تابىستارىنىڭ مويىندالۋى

مەملەكەت باسشىسى نۇرسۇلتان نازارباەۆ ازيا دامۋ بانكىنىڭ پرەزيدەنتى تاكەحيكو ناكاونى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋدە ينفرا­قۇرى­لىم­داردى دامىتۋ, ەلىمىزدەگى قارجى-بانك سەكتورىن ودان ءارى رەفورما­لاۋ, شاعىن جانە ورتا بيزنەس كا­سىپورىندارىنا قاجەتتى قولداۋ كور­سەتۋ ماسەلەلەرىن قامتىعان ىن­تى­ماقتاستىقتىڭ نەگىزگى باعىتتارى تالقىلاندى. سونداي-اق, تاراپتار الەمدىك قار­جى جۇيەسىن ودان ءارى دامىتۋ جولدارى تۋرالى پىكىر الماستى. قازاقستان پرەزيدەنتى ازيا دامۋ بانكى باسقارۋشىلار كەڭە­سىنىڭ الداعى 47-ءشى وتىرىسىنىڭ اس­تانادا وتەتىنىنە ريزاشىلىق ءبىلدىردى. – 2014 جىلى كەڭەسكە ءتورا­عالىق ەتۋ – ءبىز ءۇشىن قۇرمەت. قا­تىسۋشىلار قۇرامىندا اسا كور­نەكتى ادامدار بولادى. ءبىز مۇ­نى تاۋەلسىزدىك جىلدارىنداعى قا­زاقستاننىڭ تابىستارىن بانكتىڭ مويىنداۋى دەپ بىلەمىز. بيىل ەلىمىز بەن ازيا دامۋ بانكى ارا­سىن­داعى ىنتىماقتاستىققا 20 جىل تولادى. «قازاقستان-2050» سترا­تەگياسىن جۇزەگە اسىرا باستاعان بۇگىنگى كەزەڭدە ءبىز سىزدەردىڭ بانكتەرىڭىزبەن ءوزارا ءىس-قيمىلدىڭ جاڭا بەتتەرىن اشقىمىز كەلەدى, – دەدى مەملەكەت باسشىسى. نۇرسۇلتان نازارباەۆ قوس تا­راپتىڭ ىنتىماقتاستىعى مەم­لەكەتىمىزدىڭ مۇددەسىنە تولىق ساي كەلەتىنىن جانە ەلىمىزدىڭ ەكونوميكاسىن ءارتاراپتاندىرۋ ۇدەرىسىنە بانكتىڭ كورسەتكەن قولداۋىن قا­زاقستان جوعارى باعالايتىنىن اتاپ ءوتتى. ازيا دامۋ بانكىنىڭ باسشىسى ءوز كەزەگىندە استانادا فورۋم وتكىزۋ تۋرالى شەشىم ءۇشىن العى­سىن ءبىلدىرىپ, وعان ازيانىڭ بار­لىق تۇكپىرىنەن 3000-نان استام دەلە­گاتتىڭ قاتىسۋى كۇتىلىپ وتىرعانىن ايتتى. ت.ناكاو, سونداي-اق, ادب قا­زاق­ستاندا ءوز جۇمىسىن باستاعاننان بەرى جالپى سوماسى 3,5 ملرد.دوللار قارجىلاي كومەك كورسەتكەنىن اتاپ ءوتتى. ازيا دامۋ بانكىنىڭ پرەزيدەنتى «قازاقستان-2050» ستراتەگياسىن ەنەرگەتيكا, يندۋستريالاندىرۋ, قارجى سەكتورىن دامىتۋ, سونداي-اق, شاعىن جانە ورتا كاسىپكەرلىك سياقتى سالالار بويىنشا جۇزەگە اسىرۋعا كومەكتەسۋگە دايىن ەكەنىن جەتكىزدى. سۋرەتتى تۇسىرگەندەر س.بوندارەنكو, ب.وتارباەۆ.